skakfestivali

Nuummi skakfestivalertoqaqqilersoq

Islandimi skakklubbip Hrókurinn ukiormoortumik aaqqissuuttagaat 'Air Iceland Fest' Nuummi ingerlanneqaqqilerpoq

Den islandske skakklub holder den årlige Air Iceland Fest i Nuuk Hrókurinn

Skakklubbip Hrókurinnip 'Air Iceland Fest' Nuummi ukiumoortumik ingerlattagaa maajip 29-anit juunip tallimaanut ingerlanneqartussanngorpoq. Aaqqissuussaq Nuuk Skakklub, islandimi nuummilu suliffeqarfiit peqatigalugit 'Ilaqutariiuvugut - Gens Uno Sumus'-imik qulequtserneqarsimaseq ingerlanneqassalluni.

Aaqqissuussaq pingaarneq Nuuk Centerimi maajip 31-ani ingerlanneqassaaq.

- Kikkulluunniit peqataanissaminnut tikilluaqqusaapput, aaqqissuussisut paasissutissiipput.

Pikialaartitsineq maajip 30-ani Nuuk Centerimi aallartissaaq. Tassani skakkertartut peqatigiiffiata Hrókurinnsip vicepresidentia Róberts Lagerman unammillerneqarsinnaajumaarluni.

Skakkiinnaanngitsoq

- Ikinngutigiinneq nukittooq nuassisaaqatigiinnerlu tamaasa nassarlugit naapeqatigiissaagut, ikinngutigullu nuummiittut takoqqinnissaat qilanaaraarput, klubformand Hrafn Hrafn Jökulsson oqarpoq.

Pikialaarneq skakkiinnarmut tunngassuteqanngitsoq oqaatigaa. Ilisarisimasariilerneq Atlantikullu avannarpasissuani naapinnerup nuannertortai pingaarnepaanerarpaa.

- Hrókurinnsip oqariartaasaa ima nipeqarpoq: Ilaqutariiuvugut suleqatgiinnittalu tarnera uani katersuuffiuvoq. Kalaallit suleqatigaavut ikinngutigalugillu. Nunat uku akornanni ikinngutigiinneq inuusuttut aqqutigalugit nukittorsarneqarnerata peqataaffiginera nuanneqaaq - Atlantikup avannarpasissuata siunissai. Island Kalaallit Nunaallu amerlasuutigut assigiiffeqarput, soorlu naligiisitaanikkut, ikinngutinnernikkut immitsinnullu ilinniarfigisinnaaffeqarluarluta, islandimi skakklubi taama nalunaaruteqarpoq.

Nuuk Centerimi aaqqissuussat saniatigut Hrókurinnsimi ilaasortat meeqqat angerlarsimaffianut PITU-mut, paarnaarussivimmut, utoqqaat angerlarsimaffiannut Nuummilu sumiiffiit arlallit pulaassavaat.

Powered by Labrador CMS