Drilsk uvejr
Nuummi silarlunnera pissutaalluni timmisartuussinissanik taamaatitsinnaarnernik kinguneqarpoq
Nunatsinni illoqarfiit pingaarnersaanni silarlunnera pissutaalluni aqqusinikkut angallanneq ajornartorsiutigineqarpoq. Aamma Nuummit Nuummullu timmisartuussinissaagaluit taamaatiinnarneqarput. Nuummi pisariaqavitsinnagu biilertoqannginnissaa kajumissaarutigineqarpoq, tamanna aamma Qinngorpumi atuuppoq
Silarlunnera Nuummi kisimi ajornartorsiortitsinngilaq, tassami Air Greenlandip timmisartuussinissaagalui taamaatiinnarneqarput. Nuummit Nuummullu timmisartuussinissammi tamarmik taamaatiinnarneqarput.
Kommuneqarfik Sermersuup Teknikkikkut Immikkoortortaqarfiani aamma ulapputtorsuupput.
- Piffissami sivikitsumi taama apisimaneranik takunikuunngilanga. Aputaajaasut ulloq unnuarlu sulipput, aamma sila pingasunngornermi pitsaanerulernavianngitsoq ilimasaarutigineqarpoq, immikkoortortaqarfimmi pisortaq, Frank Rasmussen Sermitsiaq.AG-ut marlunngormat oqarpoq.
Pisariaqavitsinnagu Nuummi biilertoqassanngilaq
Nuummi Qinngorpumi najugaqartut pisariaqavitsinnagu biilinik ingerlassanngitsut politiinit kajumissaatigineqarpoq.
- Qinngorpumit biilerniartut biililinnginnerminni eqqarsarluaqqaartariaqarput ilumut biilernissartik pisariaqavinnersoq.
Nuummi pisariaqavitsinnagu biilertoqannginnissaa politiinit kajumissaatigineqarpoq, tamanna aamma Qinngorpumi atuuppoq.
Sila pissutaalluni bussinik ingerlassisoqassanngitsoq Nuup Bussii nalunaaqutaq 05.35 nalunaaruteqarput.
Nuummi ullaap tungaani kiaqarnanilu isseqanngilaq, ullulli ingerlanerani qulinik issilerumaartoq DMI-p nittartagaani takuneqarsinnaavoq.
DMI-p Nuummi silamik ilimasaarutaa takuuk