Skip to main content

Nuummi saliineq: Eqqakkat angisuut 53,8 tons aaneqartut

Nunatsinni illoqarfiit pingaarnersaanni innuttaasut upernaakkut saliinerminni eqqagassat angisuut katillugit 53,8 tons najugaqarfimmik silataannut aatissimavaat.

Nuummi innuttaasut piffissami maajip 22-aniit juunip 28-ata tungaanut eqqagassaatitik angisuut angerlarsimaffimmik silataannut aatinnissaannut periarfissinneqarput.

Tamannalu innuttaasorpassuarnit atorluarneqarsimavoq.

Taama Kommuneqarfik Sermersooq nittartakkamini allaaserinnippoq.

Kommuunimmi eqqagassaleriffia eqqagassanik angisuunik aasassanik 194-inik inniminniiffigitissimavoq.

- Illuutileqatigiit arlalinnik inissiartallit periarfissaq atorluarlugu najukkami eqqaani ataatsimoorlutik katersaminnik aallertitsinissamik inniminniisut amerlanerpaapput, kommuuni ilisimatitsivoq.

Eqqakkanik angisuunik ukiaru katersisoqaqqissaaq

Kommuneqarfik Sermersuup kiffartuussinini annertusiallallugu innuttaasut angerlarsimaffiisa eqqannguinut upernaaq manna aallertarpoq. 

Kommuunili naapertorlugu eqqakkat immikkoortiterneqarsimanissaat innuttaasorlu najuulluni eqqakkanik issoraaqataanissaa piumasaqaataasimavoq.

Tamannalu amerlanerpaanik malinneqarpoq.

– Sumiiffiilli ilaanni eqqakkanik aatsisartut eqqagassanik immikkoortiterneqanngitsunik inuttaqangitsunillu nalaataqarput, kommuuni allappoq.

Eqqakkat angisuut katersat 53,8 tonsinik oqimaasuseqartut kommunip Eqqagassaleriffianut apuunneqarsimpput, taakkunani atoqqitassatut sequtsigassatulluunniit immikkoortitsikkat poortorneqariarlutik Danmarkimut nassiunneqassallutik, ilaallu illoqarfiup eqqakkanut ikuallaaviani sequtseqqissaariarlugit ikuallanneqarsimallutik. 

Kommuneqarfik Sermersooq ilanngullugu ilisimatitsissutigineqarpoq eqqakkanik angisuunik katersineq ukiara aamma ingerlanneqaqqissasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER