qimmit
Nuummi qimmit angalaannartut amerlavallaaqaat
Nuummi aqqusinerni sumiluunniit qimminik pituutaqaratik angalaannartoqarnera nalinginnaalersimavoq tamannalu ajornartorsiutitut isigineqarpoq ilaatigut Uumasut Ikinngutaannit
Biilertorpassuit unipiloortariaqartarput qimmit pituu- taqanngitsut aqqusinikkut ikaariasaaraangata.
Imaanngilarli biilertut tamarmik tamatigut qisuariallaqqittuaannartut.
- Inuppassuit aamma qimmit ersigisarpaat, asuli nakkutigineqaratik angalaarnerat toqqissisimanarinagu. Qimmit pituutaqaratik angalaannartut taamaallaat biilertunut akornutaanngillat, uumasunut inissiivimmi Uumasut Ikinngutaanni piumassutsiminik sulisimasoq Aviaja Sørensen oqarpoq.
Qimmiutillittaaq ilaannikkut qimmit nammineerlutik angalarujoortut maalaarutigisinnaasarpaat.
- Uumitsannarsinnaasarpoq qimmiutilittut akisussaassuseqartumik piniarsaraluni qimmeqarmat inuttaminnit soqutigineqanngitsunik, atiminik taasiumanngitsoq oqarpoq.
Qimmit arnavissat nuliarsarfigineqalerfianni qimmit angutivissat takkusuuttarput tamannalu arnavissamik qimmiutillit eqqaamiuini akornusersuutaalersarpoq.
- Nuliarsarfiup nalaani qimmit angutivissat arnavissanik malersuisarnerat allanngortinneqarsinnaanngilaq taamaatuuppummi, qimmerli isersimatinneqarsinnaavoq aneerutileraannilu pituutalerlugu, atiminik taasiumanngitsoq oqarpoq.
Nuuk Ugeavisimi allaaserineqartoq tamaat atuarneqarsinnaavoq. Nuummi pisut aviisimi aamma atuarneqarsinnaapput. Aviisi akeqanngitsumik ataani aajuk: