kalerrisaarutit
Nuummi qatseriartornerit ikilipput
Qatserisartut Nuummi ornigunneri siornamut sanilliullutik ikinnerussagunarput
Qatserisartut biiliisa nilliartitserpaluat Nuummi ulluinnarni tusarsaajuartarpoq. Taamaattoq 2013-mi qatserisartut orniguttarnerit siornamut sanilliullugit ikileriarput. Qatserisartut kaammattuipput decemberimi naaneruutit mianersortumik atorneqaqqullugit pitsaasumik ineriartorneq attatiinnarneqarniassammat.
Nuummi qatserisartut 2013-mi 153-iugallartunut ornigupput ukiunullu siuliinut sanilliukkaanni tamanna ikileriarneruvoq. Qatserisarfiup kisitsisaataani takuneqarsinnaavoq ukiut siuliini ukiumut 170-it 180-illu akornanni qatserisartut kalerrisaarneqartarsimasut.
Juullip qaammaqqutai sianigalugit
- Neriuppugut paasititsiniaajuarnigut sunniussimasut, Nuummi qatserisartut ittuat Knud Petersen Sermitsiaq.AG-mut oqarpoq.
Nuummi qatserisartut novemberip qaammataani qulingiluariarlutik ornigupput. Maanna decemberi aallartereerput qaammammilu tassani naneruuterpassuit ikumatinneqartarput.
- Innuttaasut tamaasa kaammattorumavagut naneruutit assigisaallu mianersuulluinnaqullugit ikuallattoqaratarsinnaaneranullu imermik piareersimasoqartuaqqullugu, Knud Petersen oqarpoq.
Novemberimi orniguffiit makkuupput:
1 containerimi ikuallanneq
1 panersiivimmi ikuallanneq
2 teknikkikkut kalerrisaarinert
1 angallammik annaassiniaqataaneq
1 igamik ilittoorneq
1 eqqaaveqarfimmi ikuallanneq