Aalisarneq
Nuummi qalerallit akii narrutsassimaartumik unammissutigineqartoq
Royal Greenlandip kilomut aki 30 koruuninngortippaa – Polar Seafood aamma Kitaa Seafood malinnaasinnaajunnaartut
Ulluni makkunani Nuummi qaleralinniarnermi narrutsassimaartumik unammisoqarpoq suliffeqarfiit pingasut Royal Greenland, Polar Seafood aamma Kitaa Seafood tunisassiassat pillugit unammillutik.
Nuummi qaleralinnik tunisinermi aki piffissami sivisujaami 26 koruuniujuarsimavoq, tassalu 16,50 koruunimut Royal Greenlandip assersuutigalugu Upernavimmi aalisartunut akiliutaanniit qaffasinnerungaatsiareeqaluni.
Ataasinngornermili februaarip 13-ani Royal Greenlandip kilomut aki 2 koruuninik qaffappaa 28 koruuninut, Polar Seafood aamma Kitaa Seafood suliffissuarminnut tunisisartut qulakkeerniarlugit malinnillutik.
Tallimanngornermi februaarip 17-ani Royal Greenlandip tunisinermi aki 2 koruuninik qaffaqqippai.
Polar Seafood malinnaalluni 28,50 koruuneqartitsilerpoq.
Kitaa Seafoodilli aki 28 koruunimiitiinnarpaa.
– Ullumikkut unammillertitsinnit tunisinermi aki appasinnerutittariaqarparput, tunisassiassanillu amigaateqarneq ajornerpaassappat matusariaqarnerput kingunerisinnaavaa, Kitaa Seafoodimi pisortaq Robert Møller oqarpoq.
Allaaserisaq tamaat Sermitsiami atuarneqarsinnaavoq: