Politikki tusagassiuutillu
Nuummi politikerip KNR-ip radioaqarfimmik pisinera apeqquserpaa
Atassut Nuup KNR-ip radioqarfimmik Nuummi aallakaatitsisartumik pisinera apeqquserpaa. - Paaserusunnarpoq taama pisineq KNR radiop, minnerunngitsumillu Nunatta tamakkerluni, sukkut iluaqutigissaneraa, Atassut Nuummit Klaus Frederiksen aperaaq
Innuttaasunik sullissinissamut pisussaaffilikkap Nuummi lokalradiomik ‘Voice of Greenland’-imik pisinera suli isornartorsiorneqartuarsinnarpoq.
- Kalaallit Nunaata Radioata nuna tamakkerlugu pigineqartuusup, taamalu nuna tamakkerlugu pisussaaffeqartup, minnerunngitsumillu nunatta karsianit ukiut tamarluinnaasa 75 millioner koruunit angullugit aningaasaliiffigineqartartup, illoqarfimmi namminersortumik, pilerisaarutinik, maani taamaallaat Nuummi, aammalu nipilersukkanik aningaasalersorneqartumik tusarnaarneqarsinnaasumik pisinera, Atassut Nuummit apeqquserusupparput (kisitsisit eqqortut 65 millioner koruuniupput, aaqq.).
Taama Atassut Nuup siulittaasuata tullia, Klaus Frederikseni tusagassiuutinut allappoq.
Atuaruk: KNR-ip sulisuminit radioqarfik pisiaraa
Pisiffigineqartup pisortanngortinneqarnera tupigigaa
KNR-ip pisortaaneranit Søren Lennert Mortensenimit siusinnerusukkut saqqummiunneqareersutut, KNR-ip radioqarfik Nuup illoqarfiani aallakaatitsisartoq Voice of Greenlandi Claus Nissenimit KNR-imi tuniniaanermut siunnersortitut attuumassuteqartumit pisiaraa, taannalu pisiffigereeramikku KNR-imi tuniniaanermut pisortatut aamma atorfinitsillugu.
- Eqqarsarnartoqarpoq pineqartoq pisiareriarlugu piginnittuusimasoq pisortatut atorfinitsinneqarmat, Klaus Frederiksen, ilaatigut nunatsinni illoqarfinni radioqarfiit tv-eqarfiillu aningaasaqarnermikkut kipiluttunartorsioreersunut sunniuteqapilussinnaaneranut ernumasoq, taama allappoq.
Atuaruk: KNR-ip radioqarfimmik pisisimanera pillugu IA paasisaqarusuppoq
Naalakkersuisuusimasoq pisinermut aamma isorinnippoq
Inuit Ataqatigiinnersoq Mimi Karlseni kingullertigut aamma paragraf 37 naapertorlugu Naalakkersuisunut KNR-ip Voice of Greenlandimik pisinera pillugu apeqquteqarpoq.
Apeqqutigisaasa ilagaat 'Nuna tamakkerlugu radiokkut TV-kkullu ingerlatsiviup kiffartuussiffiusussap pisortanit tamakkiisumik aningaasalersorneqarnera eqqarsaatigalugu sumiiffinni radioqarfinnik ikilisaaqataanissaanut Naalakkersuisut isumaqataappat?'
KNR pillugu allaaserisat allat uani atuakkit
KNR pillugu AG-mi aallaaserineqartut allat aviisimi atuarneqarsinnaapput. Aviisi ataani pisiarineqarsinnaavoq: