paasissutissiineq
Nuummi politiit nalunaarutaat takisooq
Kalaallit Nunaanni illoqarfiit pingaarnersaanni politiit suut suliarisimaneraat atuarneqarsinnaavoq
Annonse
Nuummi politiit 49-nik sapaatip akunnerata siuliani suliarisimasaminnik nalunaaruteqarput. Pinerlunnermik inatsimmi 24-eriarluni unioqqutitsisoqarpoq kiisalu aqqusinikkut angallannermi inatsimmi 20-arluni unioqqutitsisoqarluni.
- Politiinit ikioqqullutik nalunaaruteqartunut 50-inut ilaatigut orniguppugut, Poul Petersen ilisimatitsivoq.
Sapaatit akunnerisa 17-ssaanni politiit nalunaarutaat ima isikkoqarpoq:
- Imminut toqunnissamik siorasaarinerit sisamat
- Angerlarsimaffinni eqqissisaanerit qulit, taakkuannga meerartallit sisamat
- Aalakoorpallaartut sisamat
- Ikioqqullutik nalunaaruteqartut arfinillit
- Navianartumik pinnguaateqartoqarneranik nalunaarut ataaseq
- Aqqusinermi eqqissiviilliornerit arfinillit
Politiit aamma uku suliaraat:
- Pinngitsaaliissummik napparsimmavimmut unitsitsineq
- Kanngutsaatsuliornerit sisamat
- Pisiniarfinni tillinniarnerit arfinillit
- Tillinniarnerit tallimat
- Peqquserlunneq ataaseq
- Aserorterinerit arfinillit
- Biilinik aqunnissamut allagartaqarnatik biilertut sisamat
- Sissuernatik biilertut marluk
- Maleruaqqusanik malinninngitsut tallimat
- Qiteqummik isumannaallisaateqarnatik biilertut arfineq marluk
- Aqqusinermi angallannermi inatsisinik unioqqutitsineq ataaseq
- Ikiaroornartut pillugit inatsimmik unioqqutitsinerit arfinillit