ujaasineq
Nuummi politiit angut 67-inik ukiulik ujaaraat
Sermersuumi politiit Utertoq Nielsen ujaaraat, taanna kingullermik najukkamini Nuummi illoqarfiup immikkoortuani Nuussuarmi takuneqarpoq
Nuummi politiit 67-inik ukiulik Utertoq Nielsen ugaaraat, taanna kingullermik najukkamini Nuummi illoqarfiup immikkoortuani Nuussuarmi, sapaatiummat nalunaaqutaq 12.00 missaani takuneqarpoq.
Angutip tamaaneqartup angerlarsimaffini qimallugu aninermi kingorna sumut ingerlanera ilisimaneqanngilaq, taamaattumillu politiit Utertoq Nielsenip nassaarineqarnissaanut tamanut ikioqqullutik qinnuiginnipput.
Atuaruk: Aalisartoq ajunngitsoq nanineqartoq
Ilisarnaatit
Taassuma ilisarnaatai ukuupput:
165 centimeterisut angissusilik, tuattoq aamma takisuunik tunuatigut qiilinnik nujalik.
Isaruaqarpoq, aammalu qernertumik amermik qaqortumik allannertaqartumik kavaajaqarluni, angerlarsimaffimminit anivoq. Taassuma saniatigut taartunik/qernertunik koorpoqarpoq, qernertunillu sungiusaatinik skooqarpoq.
Mobileqanngitsoq
Politiit paasissutaat naapertorlugit ujaarineqartoq mobilimik nassataqanngilaq, taamaammallu taannalu ikiortigalugu nassaarineqarsinnaanngilaq.
Sermersuumi politiit, Nuuk, inunnik tammaaneqartumik takunnissimasinnaasut imaluunniit sumiinneranik nalunnginnittunik tusagaqarusupput.
Nuummi politiit attavigineqarsinnaapput, oqarasuaat 70 14 48.