atuakkamik saqqummersitsineq
Nuummi pissanganartuliaq saqqummilersoq
Mads Peder Nordbo oqaluttualiamik pissanganartumik nutaamik saqqummersitsiniarpoq, taanna ''Pigen uden hud''-ip nanginnerissavaa.
Annonse
Pilersaarutit malillugit atuagaq Politikens Forlagikkut aappaagu marsimi saqqummissaaq, tassanilu ''Pigen uden hud'' assigalugu inuttat pingaarnerit taakkuussapput, Nuummilu sumiiffiit taakku Kangerluarsoruserlu aallaaviussapput, atuakkiortoq KNR-imut ilisimatitsivoq.
Mads Peder Nordbop aappaagu ''Pigen uden hud'' nittarsaatilissavaa, taanna oqaatsini assigiinngitsuni 18-ini saqqummersinneqassaaq. Tassunga atatillugu Danmarkimut nuunniarluni aalajangerpoq.
Pissanganartuliaq nutaaq ''Kold angst''-imik qulequtaqassaaq, KNR ilisimatitsivoq.