politianmeldelse
Nuummi niuertarfinnik piginnittumut pasilliinerit: Filippinerit pinngitsaalineqarlutillu atornerlunneqartut
Sulisinnaanissartik taamaallaat peqqutigalugu qaammatit tamaasa aningaasanik tusindilikkaanik akileeqquneqartarnertik pillugu aappariit Filippinerit maalaruteqarmata aqutsisoqatigiit iliuuseqarumanngillat. Kisitta taamak pineqanngilagut, suliaq pillugu AG-mut oqarput, suliarlu maanna politiinit suliarineqarpoq.
Sulisut nunanit allaneersut atornerlunneqarsimasinnaanerat pillugu suliaq kusanaatsoq Nuummi politiinut suliassanngortinneqarpoq.
Pinngitsaaliineq
Suliami oqaatiginnittuupput aappariit Filippinerit Ann Rossel aamma Robert Manzanilla. Nuuk Centerimi neriniartarfimmi “Bones”-imi pisortaq Zara Ocampo Catalan pasillerpaat namminneq panitsillu pinngitsaaliissummik aningaasarpassuarnik akiliisinneqartarlutik sulisinnaanermut akuersissummik nutarternerinnaanut qaammammullu akissarsisinnaanissaminnut.
Aappariit namminneq soraarsitaapput. Suliffeqarfiutilissuarnili Filippinerit 15-it missaaniittut Bonesimi illoqarfiillu pingaarnersaanni Nuuk Købmandshandelit sinnerini niuertarfinnik Kaminnik aamma ingerlatsisuni suli atornerlunneqarput.
- Neriuutigaarput politiinut oqaatiginninnitta kingunerissagaa unitsinneqassasoq, maannalu Filippinerit sulisut akissarsiatik tamaasa pigiinnarsinnaallugit, Ann Rossel Manzanilla AG-mut oqarpoq.
Filippinerit tallit tikilersut
Ilisimavaa suli Filippinerit tallimat atorfinitsinneqarsimasut Nuummullu ingerlaarlutik.
- Maanngarnerinnarminnut minnerpaamik tamarmik 5.000 koruuninik akiliisinneqassapput, sulili naluaat, aappariit oqarput, oqaatigaalu suliffeqarfissuup piginnittuanut Erik Brogaardimut maalaarniartarsimagaluarlutik.
Pasilliinerit ilumuunnginnerarneqartut
Zara Ocampo Catalanilli Erik Brogaardillu AG-mut oqaatigaat pasilliutit uani aviisimi atuarneqarsinnaasut tunngavissaqanngitsut.
Pasilliinerit sakkortuut pillugit allaaserisaq tamaat atuaruk
Sutorniartarfiutillip aamma piginnittup pasilliinernik ilumuunnginneraanerat atuaruk
Aviisimut AG-mut uani ataani linki atorlugu akiliillutik atuaasinnaavutit