akunnerup naanerani
Nuummi nipilersornermik festivalip aallarteqqinnerani Koda nersornaasiissaaq
Imernalaaq Festival ukiuni qulingajanni uninngareerluni Katuami akunnerup naanerani ingerlanneqassaaq. Koda tassani nipilersortartunik nersornaasiissaaq
Nunatsinni Nipilersortartut aamma Katuaq suleqatigiinneratigut nipilersornermik festivali Imernalaaq Festival ukiuni arfineq pingasuni uninngareerluni aallarteqqinneqassaaq.
Katuami tusarnaartitsinerit arlaqartut ingerlanneqassapput tallimanngorpat arfininngorpallu. Simik, Katuma aamma Kimmernaq tallimanngorpat tusarnaartitsissapput, Naneruaq aamma Kimia arfininngorpat tusarnaartitsissallutik. Koda nersornaasiissaaq aamma ukiunut 2013-mut aamma 2014-mut.
Small Time Giants saqqummersitamut ´Stethoscope´, Kimia saqqummersitamut ´Kimia´ kiisalu qatanngutigiit Frederik K. Elsner aamma Christian K. Elsner, nipilersoqatigiinnit Nanook-meersut, saqqummersitamut ´Pissaaneqaqisut´ tassaapput 'Ukioq 2014-imut Nersornaammut' innersuunneqartut.
Innersuunneqartut allat uani allaaserisami atuarneqarsinnaapput: Koda Greenland Awards-imut innersuunneqartut aajuku