mittarfissuaq

Nuummi mittarfissaq siunnersuutigineqartoq timmisartorsuup atorsinnaanngilaa

Nuummi mittarfiup tallineqarnissaanut Naalakkersuisut siunnersuutaat ajussaaq. Mittarfik silagissumi aamma usisaqarpiarani kisimi ajussanngitsoq, Air Greenlandip naatsorsugaasa takutippaat

Air Greenlandip pisortaata Michael Højgaardip, Nuummi 1.799 meterimik mittarfeqalissappat ajornartorsiornissaq ilimagaa

Nuummi suluusalinnut mittarfik 1.799 meteri Naalakkersuisut siunnersuutigisaat, quasanngikkaanga taamaallaat atorsinnaassaaq.

Tamanna sapaatip akunnerani uani Ilulissani Nuummilu mittarfiit tallineqarnissaat pillugu Inatsisartuni oqallinnissaq sioqqullugu, timmisartortitseqatigiiffiup naatsorsugaasa takutippaat.

Norsaq taarserneqassaaq
Timmisartortitseqatigiiffik mittarfinni Kangerlussuarmiittumit naannerusumi ingerlalissaguni, Airbus 330 ’Norsaq' suluusami ataatigut silaannarmik annertunerusumik pisariaqartitsisoq atorunnaartinneqartariaqassaaq.

Silagitsillugu usisaqalaaginnarsinnaapput, quasalaarpallu Air Greenlandip usit aamma ilaasut niusariaqartassavaat 160-inik ilaasoqartilluni qangattarsinnaassanngimmat.

Allaaserisat mittarfinnut tunngasut tamaasa uani atuakkit

Akunnattumik quasatsillugu Norsaq usinik ulikkaarluni ullumikkut usisinnaavoq, silaginnissaali neriuutaasariaqassaaq. Nuuk sakkortuumik anorlertarnera aammalu ersernerluttarnera peqqutigalugu arlaqarnerusunik Kangerlussuarmit mittarfinnut allamukartitsinernik amerlanerusunik pilersitsissaaq.

Kinguaattoortitsisassasoq
- Mittarfiit 1.799 meteriussappata naatsorsorneqarsinasuni takuneqarsinnaassaaq ullut timmiffiusinnaasut ikilissasut. Akulikitsumik angallannissamik pilersaarutit ingerlanneqarsinnaassanngillat. Isumaqarpunga tamanna ersarissumik allassimasoq, Michael Højgaard oqarpoq, aningaasaqarnerlu maannakkut nalilersoruminaatsillugu, Air Greenlandimi pisortaq Michael Højgaard oqarpoq.

Uani sapaatip-akunnerani AG-mi saqqummertumi timmisartut sorliit naatsorsuinermi angusarinnerunersut atuakkit, aammalu silap pissusaat assigiinngitsillugit qanoq killeqartigineri paasillugit. Aviisi pisiniarfimmi imaluunniit una tuugassaq ataaniittoq atorlugu pisiarisinnaavat:

Powered by Labrador CMS