Nuummi mittarfik: Nipiliorluni akornusersuinerup killigititap nalinginik qaangiissaaq

Nipiliorluni akornusersuinerit killigititap nalinginik aalajangersarneqarsimasunik qaangiissapput, tamanna ASN-imut nassuiaammi nutaami, Nuummi mittarfiup nutaap sanaartorneqartumut tunngatillugu tusarniaavigineqartumi atuarneqarsinnaavoq.

Nuummi mittarfiup eqqaani najugaqartunut ukiuni marlunni pingasuniluunniit nipiliorfiungaatsiassanersoq ilisimaneqanngilaq, kisianni sanaartornerit annertuut inissiat eqqarsaatigalugit Nuummitut najugaqarfiusut nipaatsumik suliarineqarneq ajorput.

Nipiliornermut killigititat qaangerneqassapput

Nuummi mittarfiup eqqaani najugaqartut mittarfiup nutaap sanaartorneqarnerani annertuumik nipiliortoqangaatsiarnissaanik naatsorsuuteqarsinnaapput, ASN-imut nassuiaammi nutaami tamanna allaqqavoq. Tassanilu unnuami nipiliornermut killigititat atuuttussat sanaartornerup aallartinnerani qaangerneqassasut paasissutissiissutigineqarpoq.

Nipiliorfiusorpassuit Nuussuarmi aamma Qinngorput ilaani najugaqartut qaninnerit akornusersortassavai.

- Sanaartornermi killiffik ukiut 3 ½ miss. sivissusilik tamakkerlugu mmi sanaartornermit sulianit nipiliortoqarsinnaavoq ullup unnuallu ingerlanerani akunnerit 24-t aamma sapaatip akunnerata ingerlanerani ullut arfineq-marluk tamakkerlugit. Qaartitserinerit, taamaallaat piffisami 07-22 ingerlanneqartussat saniatigut, ulloq unnuarlu tamaat, qaqqami qillerummit aamma ujaqqat qaartitsikkat passunnerannit ilagalugit, dozerinernit, ujaqqanik qaartitsikkanik usisaatinut usilersuinernit aamma usingiaanernit, ujaqqanik qaartitsikkanik immikkoortitserinernit aamma aserorterivimmi aserorterinernit, usilersuinernit, ingerlassinernit aamma qaqqamik aserorterneqarsimasumik mittarfimmik alliliilluni nunnianut ilioraanermit nipiliortoqartarsinnaavoq, ASN-imut nassuiaammi tamanna atuarneqarsinnaavoq.

Qaartiterinerit

- Qaartitserinerit aamma sanaartornermi suliat nipiliortut allat naatsorsuutigineqartariaqarput sanaartornermi piffissap ilarujussua ingerlanneqartarnissaat, ukiut siulliit 2-3 amerlanerpaassallutik, tamatuma kingorna qaartitserinerit aamma suliat nipiliortut allat ikiliartussapput sanaartornermi suliat naammassisaanermi sulianut nuukiartorneri malillugit.

- Sanaartornermi piffissaq tamakkerlugu nipiliortoqartarsinnaavoq, inissiaqarfinnut mittarfimmut qaninnerpaanut sumiiffimmi Nuussuup eqqaaniittuni aamma ilaatigut Qinngutsinni unnuakkut sanaartornermi nipiliornermut killigitat atuuttunik qaangiisunik. Tamanna nalilersuiffigineqarpoq, taakkununnga akunnattumit annertuumut avatangiisinut sunniuteqassasoq eqqartorneqartoq. Soorlu eqqaaneqareersutut unnuakkut (22-07) qaartitserisoqartassanngilaq, taamaalillunilu annertuumik nukiup maligaasaanit nipiliortoqartassanani, inunnik itertitsisinnaasunik.

Innuttaasut assigiinngitsunik misigisaqartarnissaat

- Nipiliornermit akornusersuinerit allanngujuitsuussanngillat, kisianni taamaattoq sanaartonermi piffissap ukiut 3½ miss. tamangajaat pisassasutut naatsorsuutigineqarpoq. Innuttaasut ataasiakkaat aammattaaq nipiliornerit sunniutaat assigiinngitsumik malugisarumaarpaat, apeqqutaalluni sanaartorluni suliat sumiiffiiup avannarpasissuani imaluunniit kujasissuani ingerlanneqarnersut. Tamanna Qinngorput eqqaani sumiiffimmut immikkut atuuppoq, tassani annerusumik sumiiffiup kujasinnerusortaani sanaartorluni suliassat ingerlanneqarnerini, nipiliortoqartarsinnaavoq, nassuiaammi tamanna allaqqavoq.

Innuttaasunik ataatsimiititsineq

ANS-imut nassuiaat pillugu decembarip 11-anni Katuami innuttaasunik ataatsimiititsisoqassaaq. Tusarniaanermut akissuteqarnissaq decembarip 14-annut killilerneqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS