Meeqqat
Nuummi meeqqanik sumiginnaaneq ernumatsannartoq
Meeqqanik sumiginnakkanik ikiuiniarneq illoqarfiit pingaarnersaanni sukaammerneqarpoq. Avaanngunartumik pissuteqarpoq. Suliat suli naammassineqanngitsut 1.000-it sinneqarput
Meeqqat pillugit suliat amerlinerat pissutigalugu Kommuneqarfik Sermersooq aaqqissuussinikkut allanngortiterivoq ilaqutariinnut meeqqanullu immikkoortoqarfik immikkuulersillugu. Kommunemut qinersinerup kingorna taama pisoqarpoq. Quarsaarnarsiarluinnartumut pissutsit inissimmata taama pisoqarpoq. Kisitsisit nutaat takutippaat meeqqat 1.000-it sinnillit Nuummi sumiginnarneqartut. Meeqqat angerlarsimaffiup avataanut inissinneqalersillugit angajoqqaat ilaatigut ataatsimiinnernut takkunneq ajorput.
AG taama allappoq.
Ingerlatsivimmi sulisut suliassarpassuaqarput.
- Ukiut tallimat kingulliit pillugit kisitsisit sukumiisut takutissinnaanngilagut kisianni oqaatigisinnaavarput suliat amerliartortut. Nuummiinnaq meeqqat pillugit suliat maanna 1.050-upput. Inuttut nammineq naliliinera malillugu ilinnniarsimanngitsut akornanni sumiginnaaneq takussaaneruvoq aammali ilinniarsimasut akornanni sumiginnaaneq takussaasarluni, Kommuneqarfik Sermersuumi meeqqanut ilaqutariinnullu ataatsimiititaliami siulittaasoq Uju Petersen Inuit Ataqatigiinneersoq oqarpoq.
Kommunip ajornartorsiut qanoq iliuuseqarfiginiarlugu eqqarsarnersoq, AG-mi paasisaqarfiginerusinnaavat: