Kiisami!
Nuummi ivigaasanik arsaattarfik siulleq atoqqaarfissiorneqassaaq
Illoqarfiit pingaarnersaat kiisami ataaasinngorpat ivigaasanik arsaattarfittaassaaq
Kiisami!
Qularnanngilaq amerlasuut taamatut eqqarsassasut. Pingaartumik Nuummi.
Nuummi ivigaasanik arsaattarfik nutaaq ataasinngorpat atoqqaartinneqassaaq.
Nuussuup arsaattarfiata ivigaasalersornissaanut akileeqataasut, namminersortut aningaasaliisut peqatigalugit, pingasunngormat tunniussinissamut isumaqatigiissut Kommuneqarfik Sermersuumit atsiorneqarpoq. Isumaqatigiissut naapertorlugu, arsaattarfiup manissarneqarnissaa kommunimit pisussaaffigineqarpoq, aammalu ingerlaavartumik aserfallatsaaliornissaanut pisussaaffeqarluni, ilaatigut aasaanerani qaammammut marloriarlugu aserfallatsaaliortassallugu.
Taamatut paasissutissiivoq Kommuneqarfik Sermersooq.
Atoqqaarfissiortitsinermut, ataasinngorpat nalunaaqutaq 17 aallartittussamut, atatillugu ivigaasanik arsaattarfimmik suliniutillit Kommuneqarfik Sermersooq unammissavaat.