Pissanganaq
Nuummi ivigaaraasanik qallikkamik arsaattarfeqalissaaq
Kommuneqarfik Sermersuumi kommunalbestyrelsi ivigaarasanik qallikkamik arsaattarfiliornissamut akuersivoq, taannalu kingorna qulisatut arsaattarfinngortinneqarumaarpoq
2017-imi arsaannermi nunatsinni pissartanngorniunnerit Nuummi arsaattarfimi ivigaarasanik qallikkami ingerlanneqariaannaavoq. Kommunalbestyrelsip januaarip 27- ani ataatsimiinnerata kingorna tamanna ilimanarsisinneqarpoq, ataatsimiinnermi arsaattarfinnik ivigaarasanik qallikkanik suliniuterujussuup sanaartorneqalernissaa akuersissutigineqarmat.
Inuit Ataqatigiit sinnerlugit kommunalbestyrelsimut ilaasortat Uju Petersen aamma Storm Ludvigsen siunnersuummik saqqummiussisuupput.
- Suliniummi alloriarneq tulleq tassaassaavoq arsaattarfiup ivigaaraasanik qallikkap titartagartalersorlugu pilersaarusiornissaa. Nuumi arsaattarfiit amigaataapput. Taamaattumik nunaminertarujussuaq arsaattarfinnut pingasunut nunat tamalaat akornanni piumasaqaatit naapertorlugit angissulinnut ivigaarasanik qalligaq sanaartorniarlugu aalajangerpugut, Uju Petersen AG- mut oqarpoq.
Isikkamik arsaartarfiliornissamut pilersaarutit pillugit AG-mi atuarneqarsinnaapput. Aviisi ataani pisiarineqarsinnaavoq: