Nangeqqattaartoq nutaaq
Nuummi inuusuttut pillugit tv-kkut nangeqattaartuliaq nutaaq ukiamut takutinneqassaaq
DR inuusuttunut nangeqattaartuliamik nutaamik sanavoq, tassani Nuummiut inuusuttut isertugaatiminnik oqaluttuartinneqarput.
Nangeqattaartuliaq “Isertugaatit Nuummeersut" DR3-kkut ukioq manna novembarip 13-iani takuteqqaarneqassaaq.
KNR taama allaaserinnippoq.
Immikkoortuni arfinilinni inuusuttut 18-29-llu akornanni ukiullit isertutiminnik oqaluttuartinneqassapput, tamatumunngalu pissutaavoq Nunatsinni inuusuttut danskit tusagassiuutaannit sammineqanngippallaannginneri.
- Issiaqatigiilluta oqaluuseraarput tv-kkut sammineqartartut tassatuaasut Juullimut inuulluaqqusinerit kunngikkormiullu tikeraartarnerat. Taakku kisiisa eqqaasinnaavagut, Kalaallit Nunaannili inuusuttut inuunerannik aallakaatitassiortoqarsimaneranik eqqaasassaqanngilagut, Carolina Une Henningsen oqarpoq.
Taamaammat tv-liortut misileraaniarlutik aalajangerput, tamassumalu inernera novembarip ulluisa 13-ani takuneqarsinnaalissaaq.