Nuummi inuusuttut pillugit filmi siunissami pisuusaartitaq

Nuummi bussinut ilaagaanni imaluunniit illoqarfimmi caféni inuusuttut tusarnaaraanni, taava kalaallisut oqartumik tusaagaanni aappaata qallunaatut akigaa tusaaneqarajuttarpoq. Imaluunniit aamma oqaatsit taakku paarlakaallugit oqaluttoqartarpoq.

Aká Hansenip filmiliaani 'Polar'-imi aamma taamatut oqalupput. Isiginnaartitsisut tamarmik inuusuttuupput Nuummeersut, isiginnaartitsisartutut misilittagaqanngitsut.

- Oqaluttarnermisut oqaluinnassasut piumaffiginikuuagut, taamaalilluta Nuummi inuusuttut unneqqarissumik ilisaritippagut, inuusuttoq filmiliortoq Sermitsiaq.AG-mut taama oqarpoq.

Isiginnaartitsineq nersualaarneqartoq
Isiginnaartitsisut oqaasii allariigaanngillat. Isiginnaartitsisut qanoq pisoqarnissaanik paasitinneqaannartarput, taakkulu piareersagaanngitsumik takutitsisarput.

'Polar' Københavnimi Empire Biomi ippassq takuteqqaarneqarmat isiginnaartut taamatut isiginnaartitsineq nuannarineqarpoq.

- Isiginnaartitsineq pillugu nersualaarneqartorujussuuvugut, piviusoorpalaarnera pissutaagunarpoq, Aká Hansen oqarpoq.

Ilinniarnermut atatillugu suliniut
Filmi taassuma Københavnimi Super16-imi ilinniarfimmi ilinniakkap qiteqqunnerani suliniutigaa. Taassuma nammineerluni Maria Møller ingerlatsisoq, Natalia Ciepiel aamma Alexander Ohrt ilitsersuisuupput, Morten Mortensen isiginnaagassiamik allattuuvoq.

Isumaqartoqarsinnaavoq kalaalertaasup Nuummi filmiliornissaq isumassarsiarisimassagaa. Ilitsersuisuusut isiginnaagassiamillu allattup tamanna ilungersuutigisimavaat.

- Tamanna soorunami taperserpara, taanna illalaarluni oqarasuaatikkut oqarpoq.

Ilungersorluni sulinikkut Kalaallit Nunaannut angalanissamut aningaasanik pissarsisoqarpoq.

Paasinnilertut
Nuummi inuusuttut kulturiannut siunissami pisuusaartitatut imaqartoq tamatuma inerneraa.

- Isiginnaartunut Kalaallit Nunaannik ilisimanneriinngitsunut paasinninnermik misigititsivoq, Nuuk nutaaliaasoq takutinneqarluni. Kalaallit Nunaat assigiinngiaartumik takusinnaanerulerlugu oqaluttuarput.

Inuttaq pingaarneq Ivik, inuusuttut pingasut allat peqatigalugit nipit eqqumiitsut tusaalerpaat. Tamatuma imminut toqutsippai, ksianni tupinnartumik pisoqarneratigut Ivik uummaqqippoq. Kisianni tusaasaarussimavoq, nunarsuullu sinneranut atajunnaarluni.

Filmiliortut siullermik misiliummik immikkoortumik suliaqarput. Maanna immikkoortunut tallimanut allanut aningaasaliissutissanik pissarsinissaq sulissutigaat. Tassani Iviup nipip suup imminut toqunnermut pissutaanera paasiniarniarpaa.

‘Polar’ Nuummi Katuami novembarip 19-anni takutinneqassaaq. Utaqqisinnaanngikkaanni Politikenip nittartagaani takuneqarsinnaavoq. Soorunami aamma marloriarlutit takusinnaavat.

Suliniut pillugu atuaqqigit:

Kalaaleq filmiliortartoq aningaasatigut tapiisussarsiorpoq

Tusaamasaarusuppit?

Filmiliassaq Nuummi inuttassarsiorneqassaaq