vildt

Nuummi innuttaasut ippernat kiggerujussuinik ippigusupput

Inuit amerlasuupilussuit ukioq manna Sanap nakorsiartarfianut saaffiginnipput sullinernit kiitinnerminnut ippigusullutik. Immikkoortumi peqqissaasoq nassuiaatissaqanngilaq

Sullinermit kiitinnermi soorlu uani nukappiaqqami pingasunik ukiulimmi kiggeq annernarsinnaavoq, pullaruloorluni immaqalu aappillerluni

Immaqa illoqarfimmi allatut ittumik ippernaqaler­ poq niviugaqalerluniluunniit. Imaluunniit suuga­ luarnersumik peqquteqarluta akiussutissavut allanngorput.

Suna peqqutaagaluarnersoq Dronning Ingridip napparsimmavissuani nakorsiartarfimmi sulisut isumaqarput ineriartortoqartoq uagut Sermitsiaq. AG­mi aamma maluginiarsimasatsitut, Facebookilu aqqutigalugu tamanna pillugu tusagaqartarsimavu­ gut.

Ukioq manna sullinernik kiitinnerminni kiggeru­ jussuanittarput aappalullutillu ungilattunik, amerla­ nerujartortullu nakorsiartarfiliartalerput.

– Siorna ukiorlu manna sulisutta maluginiarpaat inuit sullinernik kiitinnerminni ippigusorujussuar­tarnerat. Ippernanik kiitinnerminni pullassimasut takkuttarput immaqalu ukioq manna amerlanerul­ lutik. Eqqumiippoq oqaatigisinnaanngilarpulli nap­ paalanerunersoq, immikkoortortami peqqissaasoq Ken Jensen oqarpoq.

Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk:

Powered by Labrador CMS