Innuttaasut
Nuummi innuttaasut amerleriarujussuartut
Inuit illoqarfiit pingaarnersaannut nuttartorujussuupput, Naatsorsueqqissaartarfimmit kisitsisit tamanna takutippaat
Innuttaasut amerlassusaat siornamut sanilliullugu nikippianngillat.
Januaarip aallaqqaataani 2017-imi inuit 55.860-it Kalaallit Nunaanni najugaqarput. 2016-ip ingerlanerani innuttaasut 13-inik amerlisimapput.
Naatsorsueqqissaartarfimmit kisitsisit nutaat tamanna takutippaat.
Atuaruk: Allamiut Kalaallit Nunaanniittut amerlanerusut
Kommuninut anginernut nuuttartut
2016-imi Kommuneqarfimmi Sermersuumi aamma Qaasuitsup Kommuniani inuit amerlisimapput. Nuummi inuttusinerpaaffiusimasumi inuit 284-inik amerlisimapput. Maanna Kalaallit Nunaanni innuttaasut 31,5 procentii (17.600-it) Nuummi najugaqalersimapput.
Kommuneqarfik Sermersuumi inuit 22.673-it maanna najugaqarput.
Nunaqarfiit 2016-imi inukilleqqissimapput. Maanna nunaqarfinni inuit 7.356-iupput, tamannalu 79-inik ikilisimanerannik isumaqarpoq, taakkulu illoqarfinnut nunanut allanulluunniit nuupput.
Qaasuitsup Kommuniani innuttaasut 139-nik amerleriarput.
Atuaruk: Ineriartorneq mumippoq - innuttaasut maanna amerleriarput
Tabel assip ataani takuuk, tassani illit kommunerisanni inuttaasut qanoq amerlatiginersut takusinnaavatit