inissianut aningaasaliineq

Nuummi inissianik niuerfik allanngoriartortoq

Illuutinik tuniniaasartup nunatsinni illoqarfiit pingaarnersaanni illunik niuerfiup suli ingerlalluarnissaa ilimagaa

Rente- og afdragsfrie lån til ejerboliger i Nuuk udfases i de kommende år.

Namminersorlutik Oqartussat kommunilu 20-20-60-imik aaqqissuussinermik taasaq aqqutigalugu inissianik nammineq pigisanik sanaartornermut ataatsimut katillugit 40 procentinik taarsigassarsisitsisinnaapput, ukiuni 20-ni erniaqartussaanngitsunik taarsersugassaanngitsunillu.

Sermitsiaq taama allaaserisaqarpoq.

Erniaqanngitsunik taarsigassarsititsisarneq atorunnaarsikkiartuaarneqassasoq
Inatsisartunili illuliortiternermut aningaasalersuineq pillugu inatsisissatut siunnersuut, Nuummi inissianik nammineq pigisanik sanaartornermut erniaqanngitsunik taarsersugassaanngitsunillu taarsigassarsisitsisarnerup ukiuni aggersuni atorunnaarsikkiartuaarneqaatigisassaa, ukiakkut ataatsimiinnermi oqaluuserineqassaaq.

Januaarip aallaqqaataani 2027-imi tamanna atorunnaarluinnassaaq. Nuummi inissiat tamatuma kingorna niuernerpalaartumik atugassaqartitaaneq nalinginnaalluinnartoq tunngavigalugu aningaasalersorneqalissapput.

Inatsisissamut siunnersuummut nassuiaatini ima allassimasoqarpoq:

– Nuummi innuttaasut, inissiamik nutaamik sanaartorneqarsimasumik piserusuttut eqqarsaatigalugit pissutsit allanngunngippata siunnersuutip kingunerissavaa aningaasalersuinissakkut aningaasartuutissat qaffanneri. Inissianik niuerfimmi ingerlataqartut aningaasalersuinissamut periarfissat allanngornerinut qanoq tulluarsassanersut siumoortumik aalajangiiffigineqarsinnaanngilaq.

Innuttaasut amerliartornerat inissianik pisariaqartitsinermik annertusisitsisoq
Nuummi inissianik nammineq pigisanik 2,2 - 2,5 millioner koruuninik akilinnik ullumikkut niuerutiginninneq uummaarissumik ingerlanneqarpoq – tamanna Nuuk Ugeaviisi atuaannarlugu malugineqarsinnaavoq.

– Pisortanit inissianut nammineq pigisanut taarsigassarsisitsisarnerup atorunnaarnera Nuummi inissianik niuerutiginnittut ikinnerulernerannik kinguneqassava?

­– Taama pisariitsigisumik oqaatigineqarsinnaanera qularaara, inissianik niuerfimmi akit ineriartornerat pissutsinit assigiinngitsorpassuarnit aalajangersarneqartarmat, illuutinik tuniniaasarfimmi Grønlands Ejendomskontorimi pisortaq, Larseeraq Chemnitz Egede, Sermitsiamut oqarpoq fra Grønlands Ejendomskontor til Sermitsiaq.

Sorpassuarnik kalluarneqartoq
– Illuutinik niuerfik allanngorartorujussuusinnaavoq, niuerfiup sorpassuit kalluartarmagit sorpassuarnillu kalluarneqartarmat. Kalluaasunut tamakkiissunngitsumik allattorsimaffimmiipput erniat, inatsisitigut suliniutit aamma inuussutissarsiornermi ingerlalluarneq ingerlalluannginnerlu.

Allaaserisaq tamaat Sermitsiami atuaruk, taanna uani ataani digitaliusumik akiliillutit atuarsinnaavat:

Powered by Labrador CMS