INI

Nuummi inigisamut akiliutit qaffaataat takuuk

INI-mi attartortut amerlanerpaartaat ineqarnermut akiliutini annikitsuinnarmik qaffaavigineqassapput inigisatik aserfallassimammata

Inissiani illunilu 2.102-ni A/S Inissiaatileqatigiiffiup INI-p Nuummi aqutaani attartortut ulluni makkunani nutaarsiamik nuannersumik nuanniitsumillu imalinnik allaffigiortorneqarput.

Nutaarsiassaq nuannersoq tassaavoq, ineqartut amerlanerpaartaannut ineqarnermut akiliutit 1 aamma 2 procentit akornanniinnaq ukiortaamiit qaffanneqarnissaat.

Nutaarsiassaq nuanniitsoq tassaavoq, ineqarnermut akiliutit annikitsuinnarmik qaffanneqarnissaasa inissiat aserfallassimasorujussuunerannik pissuteqarnerat.

- Qapiarfiusaami illuni uiguleriiaani ataasiakkaaginnarneq ineqarnermut akiliutit 4 procentimik qaffanneqassapput, inissiat taakkua pitsaanerummata. Ineqarnermut akiliutit illoqarfiup sinnerani 1 imaluunniit 2 procentimik qaffanneqassapput, iluarsaassinissamut kinguaattoorutit annertummata. Nuummilu Narsarsuarmi inissiat aserfallassimanerpaapput, INI-mi paasissutissiisartoq Else Løvstrøm nassuiaavoq.

Immikkoortortaqarfiit ataasiakkaat inissiat qanoq issusaat apeqqutaatillugu qalipaatinut assigiinngitsunut inissiaatileqatigiiffimmit agguataarneqarsimapput.

Qapiarfiusaami inissiat 539-t, Narsarsuarmi 671-it kiisalu Nuussuarmi 807-t aappaluttumik nalunaaqutserneqarsimapput, inissiat aserfallassimanerpaammata, taamaattumillu attartortut ineqarnermut akiliutinik annertuumik qaffaavigineqassanatik.

Inissiat sinnerit 85-it sungaartumik nalunaaqutserneqarput, inissiat illutaat pitsaanerummata – taakkunanilu ineqarnermut akiliutit 2-4 procentimik qaffassapput, inissialli pitsaanerit tungujortumik nalunaaqutsertut 4-6 procentimik qaffaavigineqassallutik. Illoqarfimmi inissianik taamaattoqanngilaq.

Allaaserisaq una Nuuk Ugeavisimi saqqummersinneqaqqaarpoq. Taamaattumik tassannga aallaaveqarpoq. Nuuk Ugeavisimi allaaserisat allat akeqanngitsumik uani aasinnaavatit:

Powered by Labrador CMS