qimagussortitsineq
Nuummi GU-mut sioorasaarineq
Nuummi ilinniarnertuunngorniarfik politiinit qimagussortitsivigineqarpoq - tassani ajoqusertoqanngilaq
Nuummi GU-mi ilinniartut aamma sulisut tallimanngornermi ullaap tungaani politiinit qimagussortinneqarput.
Tassani inunnik ajoqusertoqarsimanngilaq.
Ilinniarnertuunngorniartut aamma Ilinniarfissuarmi ilinniartut naapertorlugit, inuit tamarmik pissangartorsiortoqarani angerlartinneqarsimasut.
Atuaruk: Politiit: Qimagussortitsineq ingerlavoq
Assit takukkit: Nuummi sioorasaarisoqarnera misissorneqarpoq
Ilinniartunut kollegiani tassani najugaqartunut peqqussutigineqartoq tassaavoq, 'sumiiffinniiginnarit aamma anissanngilatit'.
Sioorasaarisoqartoq
Nuummi politiini piareersimasoq Sermitsiaq.AG-mut oqaluttuarpoq, illoqarfiit pingaarnersaata ilinniarnertuunngorniarfiani 'pisumik aaqqiinialeruttortoqartoq.
Ilinniarnertuunngorniarfik sioorasaarutinik tigusaqartoqarsimasoq politiit nalunaarutigaat, politiillu taakku 'asuliinnaanngitsutut' tiguaat.
Aallaaseqartoqarpasittoq
- Qanoq iliornissamik piareersaleruttorpugut, taamaattumillu piffik qimagussortitsivigaarput, politeeq oqaluttuarpoq.
KNR-ip tamanna aallaasersornissamik sioorasaarisoqarneranik oqaaseqarfigaa. Tamannali paasissutissaq politiit suli oqaaseqarfiginngilaat.
Qeqqani naapiffik
Ilinniarnertuunngorniarfimmi ilinniartunut aamma sulisunut ilaqutaasut qimagussortitsiviusumut saaffiginneqquneqarput, tassa Katuamut. Politiit aamma tassaniipput.
GU-p tungaanut aqqutit tamarmik maannakkorpiaq politiinit assersorneqarput, tamatumalu Tele-Postimi sulisut ulloqeqqareernerminni suliartoqqinnissaannut ajornakusoortippaa.
- Politiit piffimmut nalunaaqutaq 13:42 pisimapput (assi uani ataani takuuk).
- Bussi assiivigineqartumut kollegiap aappaluttup eqqaanut nalunaaqutaq 13:55 missaani apuussimavoq. Taanna ilinniartunik kollegianiittunik ilaaffigineqassamaarpasippoq.
- Nalunaaqutaq 13:57, politiit 10-12 missaaniittut allat pisullutik GU-p eqqaanut pipput.
Allaaserisap nutarterneqannginnerani kukkusumik allaqqagaluarpoq, Tele-Postip allaffeqarfia qimagussortitsinermut ilaatinneqartoq, tamannali ilumuunngilaq.
Allaaserisaq nutarterneqaqqissaaq. Atuaasut paasissutissaateqarunik, uani ataani oqaaseqartarfimmut allaqquneqarput