Tivoli
Nuummi GM-imut katersuiniarnerit aallartinneqalersut
Timersuutini assigiinngitsuni GM-ertoqassatillugu aningaasassaaleqisoqartarpoq. Ukioq manna timersoqatigiiffiit arfinillit Nuummi Tivolimi ikiuutissapput taamaasillutillu timersoqatigiiffinnut aningaasanik katersissallutik
Inuppassuit, meeqqat inersimasullumi Nuummi Illorsuup timersortarfiup silataani radiobiilinik isumannaallisaammik qitequserlutik ingerlaarput.
Amerlasuut candyflossinik aappaluaartunik mamarineqarluartunik tigummiarlutik tamussillattaapput.
Scenemi nipilersortoqarpoq tamannalu misilitassat akornanni tusaaneqarsinnaalluarluni.
Misigisat taamaattut Nuummi Tivoli aggustip 29- ianit septembarip arfernganut ingerlanneqalerpat misigineqarsinnaapput aaqqissuisullu silaginnissaa neriuutigilereerpaat – tassami siorna Tivoli ingerlanneqarmat silarlussimavoq, taamaasillunilu aaqqissuussaq ingerlalluarpiarsimanani.
Ukioq manna aaqqissuussaq siornatigut Tivoleqartarneranit allaanerussaaq.
Sammisassat ulluni qulingiluani ammatinneqassapput – tamannalu siullermeerluni pissaaq.
Ukioq manna Tivolimik aaqqissuisut timersoqatigiiffinnik arfinilinnik ikiuuttussanik toqqaasimapput. Isertitallu timersoqatigiiffinnut taakkununnga arfinilinnut tunniunneqartussaallutik. Siorna timersoqatigiiffiit pingasut peqataapput, taamaattorli siorna isertitat appasissimallutik.
- Siorna Tivoli silarlunnera pissutigalugu ullormi ataatsimi affarmilu taamaallaat ingerlapparput, isertitaqarpianngilagullu, timersoqatigiiffiilli ikiuuttut isertitaqarluarput, Nuummi Illorsuaq Timersortarfimmi pisortaq, Jens Berthelsen, oqarpoq.
Allaaserineqartoq tamaat Nuuk Ugeavisimi saqqummeqqammersumi atuarneqarsinnaavoq. Aviisi ataani akeqanngitsumik aaneqarsinnaavoq: