Nuummi ernisarfimmi nutaami siullerpaamik meerartaartoqartoq

Dronning Ingridip Napparsimmaviani ernisarfik nutaaq ulloq 1. April atoqqaarfissiorneqarpoq. Atoqqaarfissiornera aallartilluarpoq, atulerneqarneratami kingorna 12 tiimit qaangiutiinnartut meeraq siulleq inunngorpoq.

Nivikka Jakobsen Richardt Barselajsenilu niviarsiaqqamut inoorlaamut Sebora Magdalena Charlottemut angajoqqaanngorput. Niviarsiaraq pingasunngornermi 2. April 2014 nal. 03.22 Dronning Ingridip Napparsimaviata ernisarfittaani inunngorpoq.

Inunngornera pillugu ima oqaluttuarput:

- Ernineq ingerlalluarpoq. Malunnarpoq sulisut suliffitsik nutaaq suli sungiulluarsimanngikkaat – atortuminnik marloriarlutik ujarleqqaalaartariaqarsimapput, tamannali misigisaq tamaat isigissagaanni ajoqqutaanngilaq, Nivikka Richardtilu qungujullutik oqaluttuarput.

Inissaqarnerulerneq
Ernisartut amerlinerisigut ernisartunut sulisunullu inissaqarnerulersitsinermik kinguneqartitsilersimavoq. Immikkoortumi ernisussiortup Signe Kaack-ip atoqqaarfissiuineq pissangalluni utaqqisimavaa.

- Ernisussiorfiup nuunnera ernisunut ilaqutaasunullu iluaqutaanerpaavoq. Ernisarneq ilaqutarininut pisartuuvoq, ilaqutaasut akulikitsumik amerlasuut meeqqap inunngornerani ilaasarput, Signe Kaack oqarpoq nangillunilu:

- Siornatigut ernisarfiup silataani inissaqarpiaratik utaqqisarsimapput. Maanna ernisarfimmut qanittumi utaqqisarfiqalersimapput, taamaalillutillu atugarissaarnerulerlutik.

Ernisussiortunik nakornanillu oqaluussisarfiit suli taakkugallassapput, ernisussiorfimmulli qaninnermut ungasinnerusoq eqqarsaatigalugu inississapput.