Nalliuttoorneq

Nuummi Dronningi nalliuttorsiutigineqartoq

Meeqqat inersimasulli hunnorujut sinnillit Nuummi Nuutoqqami Dronning Margrethep 77-nik ukioqalernera nalliuttorsiorpaat.

Dronning Margrethep inuuissiorneranut atatillugu Asii Chemnitz Narupi oqalugiarnerani, Issittumi Sakkutooqarfiup umiarsuaataa tunuaniippoq. Jørgen Schultz-NielsenNuummi Nuutoqqami Dronning Margrethep 77-iliinera nalliuttorsiutiginiarlugu inuppassuarnit ornigarneqarsimavoq. Jørgen Schultz-NielsenMeeqqat erfalasuaqqanik agguarneqarsimapput, kingornalu poorskernera malunnartinniarlugu manniusertillugit arpatsinneqarlutik. Jørgen Schultz-NielsenInngertoq Jørgen Schultz-NielsenMeeqqat manniuserlutik arpannginnerminni pissagasut. Jørgen Schultz-Nielsen

Jørgen Schultz-NielsenJørgen Schultz-NielsenJørgen Schultz-NielsenJørgen Schultz-NielsenJørgen Schultz-Nielsen

Jørgen Schultz-Nielsen

sapaat 16. apr 2017 12:07

Annonse

Sila qulisimangaluartoq ileqqut malillugit Nuummi Nuutoqqami dronninngi nalliuttorsiutigalugu qamutilittartoqarpoq, borgmester Asii Chemnitz Narup, oqalugiaateqarpoq, inuuissiortoq erinarsorfigineqarpoq, inngertoqarluni kiisalu poorskernera malunnartinniarlugu meeqqat mannimmik tigummiartillugit arpaliutsinneqarlutik.

Aappaluttoq qaqortorli qalipaatigissaartitsisut

Silap qulisimanerani Nuutoqqap tugaanut aappaluttunik qaqortunillu erfalasulersorneqarsimaneranik, meeqqallu erfalasuaraaserneqarsimanerannit qalipaatigissaartitsivoq.

Nalunaaqutaq ullup qeqqarluinnaraa pingasoriarluni qamutilittartoqarpoq ammattaaq angallat sorsuut P570 pingasoriarluni seqqortitsilluni. Taakku nipitungaluaqisut mitit soqutigisaqanngivillutik uninngaannarsimapput.

Nunatta kunngikkormiulli attaveqatigiilluarnerat, borgmester Asii Chemnitz Narup oqalugiarnermini eqqaavaa. Dronning Margethep ukuai marluk Nuummut tikeraaqqammernerat, borgmesterip nuannaarutigalugu oqaatigaa.

Kunngissap Nulia Mary, meeqqat persuttartittartut pillugit ataatsimeersuarneranni Nuummeeqqammerpoq, qanittumilu prinsesse Marie Autismertut peqatigiiffiannut illersuisutut, Nunatsinni immikkoortoqarfimmik ammaajartorluni aamma Nuummeeqqammerluni.

Erinarsoqatigiinneq inngernerlu

Inuuissiortoq erinarsorfigineqarpoq inngertoqarlunilu, kingornalu meeqqat nuannareqisaannik mannimmik tigummialerlugit arpatsinneqarput, naammassimmatalu tamarmik akissarsitinneqarlutik.