Skip to main content

Nuummi biilerluni ajutoortoqarpoq

Angutit imigassartutorsimasut isumaqatigiinngissuteqarmata biilinik ajutoortoqarpoq

Nuummi arfininngormat ullaakkut nalunaaquttap 07.30-ip missaani biilerluni ajutoortoqarpoq.

Ajutoorneq nalinginnaasuunngilaq.

Tassami angutit marluk isumaqatigiinngissuteqarsimapput, biilinilu aquttup angut ilaaqqusimanngilaa.

- Pisoq iluamik suli inissinngilarput, kisianni pasivarput angut biilini ilaaqqusaanngitsoq, biilinut qallorsimasoq. Ilimagaarput biilinut ilaaqqusaannginnami qallorsimasoq, taavalu biilit aallarlutik. Aquttoq bremserujussuarsimagunarami angut biilit qulaaniittoq nakkartillugu, Nuummi politiinit Carl Sværd Sermitsiaq.AG-mut oqarpoq.

Tamanna pereersoq ambulancet takkupput, angullu napparsimaviliaanneqarluni.

Biilini aquttoq inatsisitigut malersorneqarnissaa naatsorsuutigineqassasoq Nuummi politiinit oqaatigineqarpoq.

- Misissuineq suli ingerlavoq. Kisianni aquttoq aalakoorluni biilersimasutut pasineqassaaq kiisalu ulorianartorsiortitsisimasutut pasineqassaaq, Carl Sværd oqarpoq.

Angut qanoq ajutoorsimasiginersoq aamma angutit eqqartorneqartut ukiui ilisimatitsissutigineqanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER