meeqqat inuusuttullu

Nuummi atuartunut paaqqinninnerup aaqqissuuteqqinnera kinguaattoortoq

Nuummi meeqqat atuartut aasaanerani sulinngiffeqarnerup kingorna atuareernerup kingorna ornittakkamik nutaamik aaqqissuussamik suli neqeroorfigineqassanngikkallarput

Assi toqqorsivimmit, uani allaaserisamut attuumassuteqanngitsoq

Ajoqaaq.

Nuummi meeqqat atuartut aasaanerani atuanngiffeqarnerup kingorna atuareernerup kingorna ornittakkamik nutaamik aaqqissuussamik neqeroorfigineqassanngikkallarput.

Kommuneqarfik Sermersooq taama nalunaaruteqarpoq.

Atuareernerup kingorna ornittakkat pillugit paasissutissat annertunerusut, Aningaasaqarnermut Ataatsimiititamit piumaneqarmata tamanna pivoq, taamaattumik aaqqiissuussap atulersinneqarnissaa Meeqqanut, Ilaqutariinnut Atuarfeqarnermullu Ingerlatsivimmit, ukiumut nutaamut kinguartinneqarpoq.

Fritidshjemit atuareernerullu kingorna ornittakkat aggustimiit kattunneqarnissaat pilersaarutaagaluarpoq, kattunnerinilu AKO-mik taagorneqalerlutik.

Kommuneqarfik Sermersuumi Aningaasaqarnermut Ataatsimiititaq, aaqqiissutaasup politikkikkut akuersissutigineqarnissaa pitinnagu, paasissutissanik annertunerusunik tunineqassalluni kissaateqarpoq.

Naatsorsueqqinneq aamma angajoqqaanik suleqateqarneq
Utaqqiisaa naatsorsueqqittoqassaaq allaaserinnittoqarlunilu, soorlu aamma angajoqqaat suleqatigiisitakkuutaat pitsaasumik oqaloqatiginissaat pilersinneqassasoq. Ukiamullu oqaloqatigiinnissamut aggersaasoqassaaq.

Kommunimi atuareernerup kingorna ornittakkat allanngortinnerisa kingorna, AKO-mik (Atuareernerup Kingornga Ornittakkat) taagorneqalissapput. Aaqqissuussineq nutaaq naapertorlugu, 1. klassiniit 3. klassinut ornittagaqarnissamik neqerooruteqassaaq taavalu 4. klassiniit 7. klassinut sunngiffimmi ornittagassamik neqerooruteqassalluni.

Atuareernerup kingorna ornittakkat sunngiffimmilu ornittakkat ataqatigiinnerunissaat matumani siunertaavoq.

Powered by Labrador CMS