Nuummi atuarfik nutaaq: Namminersortut ukiuni 30-ni akisussaasuussapput

Kommunep suliffeqarfiutaa, Nuuk City Development, Kalaallit Nunaanni illoqarfiit pingaarnersaanni atuarfittaassamut sanasussanik piukkunnarsinnaasunik ingerlatsisussanillu qaaqqusivoq.

Nuup illoqarfiata qeqqani atuarfik nutaaq, 1.200-nik atuartoqarsinnaasoq ukiualuit qaangiuppata ammassaaq. Namminersorluni ingerlatsisup atuarfiup illuutaata aserfallatsaaliornissaanik ukiuni 30-nilu ingerlatsisussatut isumaginnissagunarpoq, oqartussat isumaginninnermik tigusinissaata tungaanut.

Kommunip illoqarfimmik inerisaanissamut tunngatillugu suliffeqarfiutaata, Siorarsiorfik – Nuuk City Development A/S, NCD, suliffeqarfiit suliassamut tunngatillugu maanna qaaqquai.

Sanaartorneq, ingerlatsineq aserfallatsaaliornerlu

- Takorusupparput Kalaallit Nunaanniit Danmarkimiillu sanaartortartut, suliffeqarfiillu ingerlatsinermik suliaqartut kikkut soqutiginninnersut. Atuarfiup sanaartornissaa, ukiuni 30-nilu ingerlannissaa aserfallatsaaliornissaalu pineqarput, Kommuneqarfik Sermersuumi illoqarfiup ineriartortinnissaanut tunngatillugu suliffeqarfimmi pisortaq, Jens B. Frederiksen oqarpoq.

Suliassaq martsimi aappaagumiit suliariumannittussarsiuunneqalissaaq. Suliassamut suliffeqarfiit sanaartortut tallimat tikillugit suliaqarsinnaasutut piukkunnaatilittut toqqarneqarsinnaapput.

Nuuk City Developmentip atuarfimmut suliaq aningaasalersorlugulu pigissavaa. Atuarfiup saniatigut atuareernerup kingorna ornittagassamik sanasoqassaaq, tassani atuartut 400-t inissaqassallutik kiisalu meeqqerivimmik 120-nik meerartaqarsinnaasumik sanasoqassalluni.

Kalaallit Nunaanni siullerpaaq

Jens B. Frederiksenip oqarnera naapertorlugu Kalaallit Nunaanni siullerpaamik pisortat piinik sanatitsinermi, ingerlatsinermi aserfallatsaaliornermilu suliamik ataatsimoorussamik suliariummannittussarsiuussisoqalerpoq.

Danmarkimi namminersortut ukiut tamaasa sanaartornermi, suliani, pisortanullu sullissinermi 300 milliaardit koruunit tungaannut sullissisarput. Suliat taamaattut Pisortat-Namminersortullut-Suleqatigiinnerannik (OPS) taaneqartarput. Danmarkimi atuarfiit arlallit OPS atorlugu ingerlanneqarput.

- Suliassaq OPS-itut suliassatut isikkkoqarpoq, Jens B. Frederiksen oqarpoq.

Atuarfittaassaq Blok P-p inissisimaffigisimasaani inissisimassaaq. Pisortaq oqarpoq illoqarfiup ineriartornissaa pillugu suliffeqarfik Kommuneqarfik Sermersuumi Meeqqat Atuarfillupillugit Aqutsisoqarfimmik, ilinniartitsisuni, perorsaasunik sanaartortartunillu maannamut suleqateqarluarsimasut. Atuisut sulinermi atortagassaannik maannamut suliaqareersimapput. Suleqatigiinneq taamatut tunngavilerneqarpoq.

2019-imi sanaartortoqalissaaq

Atuarfimmik meeqqerivimmillu sanaartorneq aappaagu aallartissaaq.

Naatsorsuutigineqarpoq Nuuk City Developmentip sanaartornermi suliakkiussai maanna atuarfiliassamut suliakkiussatut ittuusassasut. Illoqarfik pillugu pilersaarutit naammassineqannginnerini, suliassamut aningaasaliissutissat milliaardinik koruuninik arlalinnik naleqassangatinneqarput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS