Nuummi arsaattarfiit ivigaaraasallit sisamat atoqqaartinneqartut

Nuummi arsaattarfinni sisamani ivigaaraasat nutaat tallimanngormat NBU-p +45-nik ukiullit unammisartuisa aamma nuimasut unamminerisigut atoqqaarfissiortinneqarpoq. Assiliisutta nalunaarutigaa, +45-nik ukiullit unammineq 2x20 minutsiniinnarnik sivisussuseqartoq ajugaaffigigaat.

Uani allaaserisap ataani atoqqaarfissiortitsinermit assit takukkit.

Arsaattarfinnut aserorterinerit
Kommuneqarfik Sermersooq uggornartumik ilisimatitsivoq, ivigaaraasanik arsaattarfinnut nutaanut aserorterisoqalereersimasoq. Inuusuttut arsaattarfinni unnukkut kingusissukkut scootererlutik aserorteripput.

- Inerteqqutaavoq, arsaattarfiit taamatut atugassiaanngimmata naammasseqqammertullu aserorsinnaammata. Kommuneqarfik Sermersuumit arsaattarfinni aserorterinertut isigineqarpoq, kommuni tusagassiuutinut nalunaarummi allappoq.

Arsaattarfinni suut akuerisaanersut paatsuungassutigineqannginniassammat Kommuneqarfik Sermersuumit ungalulersuinissaq ‘pitsaanerusumillu allagartalersuinissaq misissorneqarpoq’.