Nuuk
Nuummi anoqaratik biilertut ima amerlatigaat
Sapaatip akunnerata kingulliup ingerlanerinnaani aqqusinermut angallanermut suliat 66-it Nuummi politiit suliaraat
Nuummi politiit poliinngorniarfik suleqatigalugu aqqusinermi angallannermut tunngasunik misissueqattaarput. Paasinarsivorlu amerlasuut anoqaratik allatigullu sillimaniarnermut atortoqaratik ilaallu kørekorteqaratik biilertartut.
Politiit sungaartunik aaqanngitsullit Nuup aqquserngini sapaatip akunnera kingulleq takussaapput angalattunik unitsitseqattaarlutik misissuisut. Misissorneqartut ilagaat sillimaniarnermut atortut malittarisassat malillugit atorneqarnersut.
Biilertut 36-it anoqaratik allatigullu sillimaniarnermut atortoqaratik biilersimapput. Aqqanillit kørekorteqaratik biilersimapput tallimallu oqarasuaat angallattagaq tigumiaannarlugu biilersimallutik. Biilertut unitsinneqartut pingasut imigassartorsimasut aamma paasineqarpoq.
Ilulissani politiit maanna illoqarfimmi allagartaliisimapput sapaatip akunnera tulleq aqqussinermi angallannermi misissueqattaarnerit ingerlanniarlugit.