ujajaaneq

Nuummi angutit marluk ujajaasutut ujaarineqarput

Sisamanngornerup ullaavani arnaq 24-nik ukiulik ujajaaffigineqarpoq

Nuummi politiit ujajaasoqarneranik nalunaarfigineqarput nalunaaqutaq 04.00 sisamanngormat.

Arnaq angutinit inuusuttunit marlunnit aqqusinermi Kissarneqqortuunnguami saassunneqarlunilu ajattarneqarsimasoq politiinut nalunaarutigineqarpoq. Arnap 24-nik ukiullip taskia tiguaat Godthåbhallenillu tungaanut arpallutik qimaallutik.

Angutit marluk ilisarnaatigaat:

  • A: Angut 20-25-t missaannik ukiulik 160-170 cm missaannik takissusilik aappaluttumik nasartaatilimmik kavaajaasalik.
  • B: Angut 20-25-t missaannik ukiulik 160-170 cm missannik takissusilik taartumik qernertumilluunniit nasartalimmik kavaajaasalik.

Ujajaanermut politiit paasissutissaataat ikittuinnaammata ujajaanermut takunnissimasinnaasunik ilisimannittunilluunniit politiit pisariaqartitsipput.

Pisoq politiinit suli misissorneqarpoq.

Powered by Labrador CMS