nunatsinnit
Nuummi angerlarsimaffeqanngitsut nerisaqarnissaat tapiissuteqarnikkut qulakkeerneqarpoq
KRK Nuuk aningaasanik tapiissuteqarpoq angerlarsimaffeqanngitsut 40 - 60-it ulluinnarni atugaannik oqilisaaffiginiarlugit
Aningaasaliissutit 120.000 koruunit Nuummi angerlarsimaffeqanngitsunut qujarunnaqaat.
KRK-p Nuummi immikkoortoqarfia aningaasanik tunissuteqarpoq peqatigiiffiup NO INI-p, illoqarfimmi angerlarsimaffeqanngitsunik ikiuiniartup, qinnuteqarnerata kingorna.
Café William
Aningaasat atorneqassapput NO INI-p Café Williamimi suppinik igaffiata marlunngornerit tamaasa sassaallertarneranut. Suliniut taanna 2014-imi aallartinneqarsimavoq.
NO INI-p naatsorsuutigaa Nuummi angerlarsimaffeqanngitsut 40 - 60-it akornanniittut, KRK Nuuk paasissutissiivoq.
Café William
KRK Nuup NO INI-llu Café Williamimik suleqatigiissuteqarneranni siunertaavoq angerlarsimaffeqanngitsut katersuuttarfeqartinnissaat, tassani nerisassanik kissartunik pisinnaallutik angerlarsimaffeqanngeqatiminnillu sammeqatigiissinnaallutik. Tamatuma saniatigut siunertaavoq angerlarsimaffeqanngitsut atugaasalu ilisimaneqalernissaat.
Atoqqitassanik niuertarfik
Aningaasat KRK Nuup tunissutai pingaartumik inuusanik Inuk aamma Inuuna tuniniarnerannit, kiisalu atoqqitassanik niuertarfiup sinneqartoorutaanit, pisuupput.
Frelsens Hær Café Williamimik suliniummi aamma peqataavoq.