Nuuk
Nuummi angallannermi ajutoornerup peqqutaa suli paasineqanngilaq
Nuummi politiit H.J. Rinksvejip Aqqusinersuullu naapiffiani sapaatiummat biilinik ajutoortoqarnerani patsisaasoq suli paasinngilaat
Inuk ataaseq misissorneqarnissaa siunertaralugu unitsikkallarneqarpoq Nuummi sapaatiummat aqqusinermi angallannermi ajutoortoqarmat. Ajutoorneq pivoq illoqarfiup qeqqani H.J. Rinksvejip aamma Aqqusinersuup naapiffiani.
Politiit imigassartortoqarsimanersoq paasiniarlugu misiliillutik tigusartik napparsimaveqarfimmit suli tusarfigeqqissimannginnamikku ajutoornermut suna pissutaasimanersoq suli paasinngilaat.
Atuaruk: Nuummi aqqusinikkut angallannermi ajutoortoqarmat inummik ajoqusertoqarpoq
Taama Nuummi Politiini pigaartut pisortaat Mikael Kofoed Sermitsiaq.AG-mut oqaluttuarpoq.
Sapaatiummat aqqusinermi angallannermi ajutoortoqarnerani inuk ataaseq Dronning Ingridip napparsimavissuanut misissorneqarnissaa siunertaralugu unitsikkallarpoq, politiilli paasissutissiinerat najoqqutaralugu pineqartoq annertuumik ajoqusersimanngilaq.
Ajutoornermi biilit marluk eqqorneqarput. Biilip aappaani inuit sisamat issimasut, aappaani inuk ataaseq issimasimavoq.