Nuuk
Nuummi aallaasersortoqarmat aqqusinermi assiaqusiisoqarpoq
Nuummi naluttarfiup eqqaani aqqusernit assersorneqarput. Politiit tassani sumiiffimmi inunnik angalaqqusinngillat
(Nutaarsiassat kingulliit ilanngullugit allaaserisaq nutarterneqarpoq - aqqusernit assersorneqarnerat taamaatinneqarpoq)
Sisamanngornermi ullaakkut nalunaaqutaq 8.00 missaani Nuummi Nuussuarmi aqqusinermi Qaarsunnguami aallaasersortoqarneranik nalunaaruteqartoqarpoq.
Tassunga atatillugu naluttuarfiup eqqaani aqqusernit politiit assiaqusersorpaat, politiit Sermitsiaq.AG-mut ilisimatitsipput.
Sumiiffimmi tassani inuit angallatinnginnissaat politiit innersuussutigaat.
- Ullaarli aallaasersortoqarneranik nalunaaruteqartoqarnerata kingorna suli igittoqaqqinngilaq, kisianni inuit sumiiffimmi tassani angallatinnginnissaat piumasaraarput, politiit ilisimatitsipput.
Iginnerit suminngaanneersinnaanersut politiit maanna misissuleruttorpaat, aallaasersornermullu atatillugu suli tigusarinnittoqanngilaq.
Takunnittut naapertorlugit angut aallaasilik sumiiffimmi tassani sisamanngornermi ullaakkut takuneqarsimavoq.
Sumiiffimmi asssersuineq politiinit taamaatinneqartoq, atuartartoq oqaluttuarpoq.