Skip to main content

Nuuk: Saarullimmik meqqitalimmik pisaraanni akissarsisoqarsinnaasoq

Sapaatip akunnerani aggersumi Nuup Kangerluani saarullinniartut eqqumaffigilaassavaat nalunaaqutsiissutit meqqit satellitsikkut nassiussisartut saarullinnut angisuunut uumassusilerisuunit ikkussorneqarsimasut puttallattaalernissaat

Meqqit puttallattartut juunimi ikkussorneqarsimapput naatsorsuutigineqarporlu meqqit puttallattartut kangerlummi puttarusaalissasut sapaatip akunnerata tulliani, saarullinniit kaanngarunik.

Saarulliit arfinillit meqqinik ikkussuiffigineqarput, meqqilersorneqarsimasunillu pisaqaraanni akissarsisoqarsinnaasoq Pinngortitaleriffik tusagassiutinut nalunaarummi allappoq.

- Meqqi ataaseq tunniukkaanni 500 kronenik akissarsisoqarsinnaavoq – taavalu meqqi saarullittaalu ilanngullugu tunniukkaanni 1.000 kronenik akissarsiassaqarsinnaalluni, Pinngortitaleriffik ilisimatitsivoq.

Meqqi saarullinnut arfinilinnut angisuunut ikkunneqarsimasoq ima isikkoqarpoq
Pinngortitaleriffik

Saarulliit pillugit paasissutissat
Kalaallit Nunaanni aatsaavissuaq saarulliit taamaattunik meqqilersorneqarput, uumasorsiuullu neriuutigaat paasisaqarfigissallugu saarulliit annerit suffereernermi kingorna sumiittarnersut pillugit, qanoq ititigisumiittarnersut qanorlu nillissusilimmiikkumanerusarnersut.

- Saarulliit ineriartortarnerat pillugu paasissutissanik siunissami atorluarneqarsinnaasunik meqqit imaqartussaapput, taamaalilluni saarulliit silatusaartumik piujuartitsisumillu atorluarneqarnissaannut qulakkeerinneqataasoqassallutik. Ilisimasammi annertunerulerneri pitsaanerusumik siunnersuisinnaalernissamut pingaaruteqartarmata, Pinngortitaleriffik allappoq.

Meqqi ataaseq apuunneqareertoq ilisimatitsissutigineqarpoq, tassani ningittagarsortup saarullik meqqilik pisarisimagamiuk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER