Nuuk: Peqqissuunissat neriuutigiuk
Peqqissuugit. Nuummimi Dronning Ingridip Peqqissaaviani decembari qaammatip sinnerani nakorsat napparsimasunik allanik misissuinissaminnut piffissaqanngillat.
Taama nalunaaruteqarneq tupaallannartoq, Dronning Ingridip Peqqissaaviata Nuummiunut Facebook atorlugu nalunaarutigeqqammerpaa.
- Ajoraluartumik nakorsassaaleqineq peqqutaalluni nakorsiartarfimmi decembarimi nakorsanut piffissaataaruppugut, allassimavoq
Aqqunarsimasulli saaffiginnittarfiat ammatinneqassaaq, innuttaasut pinartumik ajornartorsiuteqartut nakorsamit peqqissaasumilluunniit tassani misissorneqarsinnaassallutik.
Nakorsamik oqaloqateqarnerit 2019-imi
Nakorsiarniartut allat pinartuunngitsunilli ajornartorsiutillit peqqissaavik januaari aallartilaarpat attavigisinnaaqqilissavaat, nakorsamullu piffissamik inniminniisinnaalissallutik. Qaquguli nakorsamut piffissaqarsinnaaneq ersarissumik taaneqanngilaq.
- Paasinnittoqassasoq piumasaraarput, facebookikkut nalunaarummi naggasiipput.
Suut pinartumik napparsimanerunersut nalunaarummi erseqqissaassutigineqanngillat.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...