Nuuk: Neriniartarfik nersorneqarluartoq matuinnartariaqartoq
Inunnguaq Hegelund, neriniartarfik Kalaaliaraq pillugu takornariaqarnerup iluani nersorniarneqaraluartoq, neriniartarfiullu nunat avannarliit akornanni tikitassatut piukkunnaateqarluartutut White Guide 2019-imi ilanngunneqarnissaa siunniunneqaraluartoq, aningaasaqarniarneq ingerlanerlussimatigaaq, allaat neriniartarfik matuinnartariaqarluni.
Neriniartarfik piffissami aalajangersimasuinnarmi ammassalluni ukioq manna aallartilaartoq ammaraluarpoq, soqutigineqarluarmalli ammaannartussanngorlugu kingorna aalajangertoqarluni.
Ammaffissaq kingulleq 15. december
Neriniartarfimmilli ingerlatsisut, igasoq Inunnguaq Hegelund aamma imerniartarfimmi neriniartarfimmilu pisortaq Nicolai J. Nissen maanna aalajangerput neriniartarfik decembarip 15-ani naggammik ammatissallugu.
- Neriniartarfiutilinnut takornarialerisunullu ukioq manna ilungersunarpoq, najugaqavissummi suliaqartut pilersitsisullu naallerarneqaramik. Inatsisitigut nunanit allanit nioqqutissat piorsarneqarneri taamatullu nunap iluani tunisassiornerup, soorlu immiaaqqanik imigassanillu maqitsinerup, ajornarnerulertinneqarnera taama ittunik suliaqartuulluni akisuvoq, Nicolai J. Nissen tusagassiutinut nalunaarummini allappoq. Taassumalli ilanngullugu nalunaarutigisinnaavaa nutaanik pilersaaruteqartoqartoq, maannamulli saqqummiunneqarsinnaanngikkallartut.
Najugarisami tunisassiornerunissamik suliaqassallutik kissaateqarput.
- Suliffeqarfinni oqaatsit pillugit politikki aamma imigassaq pillugu politikki ilisimasaqarfigilluareerpagut, pisiortornermili politikki amigaatigaarput, tassa suliffeqarfiit namminersortut oqartussallu suliffeqarfiutaasa najugaqavissunit pisinerusarnissaanik maleruagassat amigaatigaagut, nalunaarummi allassimavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...