innaallagiaq
Nuuk tamarmi innaallagiassaqanngilaq
Pilersaarutaasutut innuttaasut 30.000-t Nuummiilissappata innaallagialersornermut milliardit atorneqartariaqassapput. Illoqarfiilli pingaarnersaani pilersaarusiami aningaasartuutissat ilanngunneqarsimanngillat
Nunatsinni nnuttaasut 2030-mi 75 - 80 procentii Nuummiilernissaat pilersaarutit malillugit piviusunngussappat Nuuk innaallagiaqarniarnermi ajornartoorataannaavoq.
AG-mi kingullermi allaaserisaq taama oqariartuuteqarpoq.
Atuaruk: Innuttaasut affaat Nuummi najugaqassapput
Pilersaarut malillugit Nuummi 2030-mi inuit 30.000 najugaqalersimasussaapput.
Ullumikkut Nuuk Utoqqarmiut Kangerluarsunnguani nukiliorfimmit pilersorneqarpoq, tamannalu ilaannikkut annertuumik tatineqartarpoq. Erngullu nukiganik inaallagissiorfik nunatarujussuup timaanit imermik pilersorneqarpoq. Taannali annertusisariaqassaaq.
- Innuttaasut amerlinerannut atatillugu nukiliorfimmik allamik pilersitsisoqartariaqassaaq. Sumiiffimmi nunap timaaniittumit Utoqqarmit Kangerluarsunnguanik pilersuisumit erngup nukinga atorlugu nukiliorfimmik nutaamik pilersitsinikkut annertusiisoqarsinnaavoq, Nukissiorfiit teknikimut pisortaa Mogens Nielsen oqarpoq.
Atuaruk: Illoqarfiit pingaarnersaata pilersaarusiorneqarnera oqallisigineqartoq
Erngup nukinganik nukissiorfiup Utoqqarmiut Kangerluarsunnguaniittup sananeqarnera milliardip missaanik akeqarpoq. Nutaamillu sanasoqassappat aningaasat naliisa nikerarneri aallaavigalugit ullumikkut akisunerujussuussalluni.
- Inuttut eqqoriaassaguna tamanna 2 aamma 3 milliard koruunit missaanni akeqassaaq, Mogens Nielsen akivoq.
Allaaserisaq AG-mi kingullermi tamaat atuarsinnaavat. Aviisi uani pisiariuk: