Nuuk
Nuuk tamakkerluni ineqarnermut akiliutinik 2015-imi qaffaavigineqassanngilaq
Pingasuullutik naaggaarput: Iserit, Ini aamma Illuut ineqarnermut akiuliutinik ukiup tulliani allanngortitsissanngillat
Inissiaatileqatigiiffiit pingasut pisortat Nuummi inissiaataannik attartortittakkanik ingerlatsisuusut tamarmiullutik ineqarnermut akiliutinik 2015-imi allanngortitsissanngillat.
Nuuk Ugeaviisimi sapaatip-akunnerani kingullermi oqaluttuarineqarpoq, Kommuneqarfik Sermersuumi inissiaatileqatigiiffik Iserit ineqarnermut akiliutinik 2015-imi allanngortitsinianngitsoq.
- Taamatut aalajangernitsigut inuiaqatigiit inissianik inuinnaat akilersinnaasaattut akeqartunik neqeroortoqarnissamik kissaataat naammassivarput, siulersuisut siulittaasuat Allan Pertti Frandsen pisortarlu Torben Kortegaard oqaaseqaamminni ataatsimik nipeqarlutik allapput.
Maannalu Inissiaatileqatigiiffik INI A/S, namminersorlutillu oqartussat inissiaataannik attartortittakkanik isumaginnittoq, aamma inissiaatileqatigiiffik Illuut A/S, Tuapannguani Qinngorpumilu inissiaateqartoq, nalunaarput, aamma namminneq 2015-imi ineqarnermut akiliutinik qaffaaniarnartik.
Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk: