Bolatta Silis-Høegh
Nuuk Kunstmuseum uranimut isornartorsiuerpalaartumik takutitsivoq
Sapiitsuliornermik isornartorsiuinermillu takutitsineq Nuuk Kunstmuseumimi ulloq 17. juulimiit 12. aggustimut Bolatta Silis Høeghimiit saqqummersinneqassaaq
Uran pillugu assortuussutaaqisoq naaggaarluinnarnerup atorunnaarsinneqarnissaanut kalaaleq eqqumiitsuliortoq Bolatta-Silis Høegh 2013-2014-mi pissanganartorujussuarnik isornartorsiorpalaartumillu suliaqarsimavoq. 2014-imi Københanvnimi saqqummersitsigami iluatsitsilluarsimaqaaq, maannakkullu kiisami suliaasa Kalaalit Nunaanni takunissaanut periarfissaqalerpoq – tassalu Nuuk Kunstmuseumimi.
- Uanga uran pillugu kamannera oqaasinngortsillugu nassuiaasinnaanngilanga, kisianni oqaatiginngisakka tamaasa qaffakaatippakka, Kalaallit Nunanni misigisimasakka pillugit: Nakuuserneq atornerluinerlu, inuiaqatigiinni oqallisigineqarneq ajortoq aamma nipangiinnarluni akuerineqartartoq. Naapertuilluannginnerit, uagut tunuinnartakkavut, Bolatta-Silis Høegh tusagassiuutinut nalunaarummi nassuiaateqarpoq.
Saqqummersitsinermi suliarujussuit aqqaneq-marluk nunap ilaai taartut, qilak nuiapiluttoq aamma arnap timaa atisaqanngitsoq aanaartoq. Suliat tallimat ilaat Københavnimi Nunatta Katersugaasivia Allagaateqarfianillu aamma toqqorsivianit pisiarineqarput.
'Sapiitsuliortoq' saqqummersitsissaaq sisamanngorneq 16.juuli nal. 16.00 Nuuk Kunstmuseumimi. Tamanut ammavoq isernerlu akeqanngilaq.