Sulorarneq
Nuuk: Jens-Frederik Nielsen Aviaaja Geislerilu ajugaaqattaartut
Sulorarnermi GM-imut anngunniuttoqarpoq Nuummi akunnerup naaperani. Unamminerit Paamiormiunit peqataaffigineqarput
Jens-Frederik Nielsen B-67-meersoq sulorarnermi kredsmeterskabeqarnerani inersimasuni ajugaaqattaartuuvoq.
Jens-Frederik Nielsen sulorarnermi ukioq kingulleq GM-ertoqarnerani pingasoriarluni kuultinnappoq. Kredsmesterskabeqarnerani ataasiakkaarnermi iligiiaarnermilu ajugaavoq. Ataasiakkaarluni unamminermi Jens-Frederik Nielsen B-67-qatini Nikki Nathanielsen 21-16-mik 22-20-millu ajugaaffigaa.
Iligiiaarnermi Sequssuna F. Schmidtilu aamma ajugaapput. B-67-meersut Nick Ø. Jacobsen aamma Kim Wridt-Eriksen ajugaaffigaat 21-10-mik 21-16-millu.
Sandra Bro aamma Nikki Nathansen angutit arnallu iligiiaarneranni ajugaapput.
Arnani ataasiakkaarnermi Aviaaja Geisler B-67-meersoq ajugaavoq. Arnat tamarmik imminnut unammineranni Aviaaja Geisler ajorsartinneqanngilaq. Arnat iligiiaarneranni Susanne Walbohm aamma Aviaaja Geisler ajugaapput, taamaasilluni Aviaaja Geisler arnani ajugaanersaalluni.
Nagtoralimmit kuultinnattoqarpoq
Nukappiaqqani U17-mi Nagtoralimmit Jakob Eli Markussen Paamiormioqatimimut Ernst Mario Dahlimut ajugaavoq. Iligiiaarnermi aamma taakku ajugaapput.
Nukappissani U15-ni B-67-mit Victor Langholz nuummioqatiminut Marco Linfossimut ajugaavoq. Iligiiaarnermi B-67-mi Ejler Jensen aamma Anders Kviesgaard ajugaapput.
Niviarsiaqqani 15-it inorlugit ukiulinni Paamiunit Pilunnguaq A Hegelund Nagtoralimmioqatiminut Minannguaq S Petersenimut ajugaavoq. Iligiiaarnermi marluullutik ajugaapputtaaq.
Nukappiaqqat niviarsiaqqallu iligiiaarneranni B-67-mit Aimee Sørensen aamma Anders Kviesgaard ajugaapput.
GM poorskimi ingerlanneqassaaq
Nukappissani U13-ni B-67-meersoq Carsten Nitter Sørensen ajugaavoq klubbeqataa Inutsiaq Mølgaard sølvinnattoq.
Inutsiaq Mølgaard Nukaaka A. Hegelund peqatigalugu iligiiaarnermi ajugaapput. Carsten Nitter Sørensen aamma Mathias Larsen sølvinnattut.
Nukappissat iligiiaarneranni B-67-imit Carsten Nitter Sørensen aamma Mathias Larsen ajugaapput Inutsiaq Mølgaard aamma William Haahr ajugaaffigalugit.
Niviarsiaqqat ataasiakkaarneranni Nukaaka A Hegelund ajugaavoq B-67-imit Flora Damm sølvinnattoq.
13-t ataallugit ukiulinni niviarsiaqqat nukappiaqqallu iligiiaarneranni Lea Risbjerg aamma Carsten Nitter Sørensen kuultinnapput Flora Damm Inutsiaq Mølgaardilu sølvinnallutik.
Sulorarnermi GM Aasianni poorsikkunni ingerlanneqassaaaq.