O.S. Electronic
Nuuk: Ikuallattoq suli misissorneqarpoq
O.S. Electronicip Nuummiittup sooq ikuallassimanersoq misissorneqarpoq - sooq ikuallalersimanersoq suli ilisimaneqarnani
Politiit ikuallattoqarsimatillugu misissuisartuisa O.S. Electronicip Nuummiittup ikuallannera suli misissorpaat.
- Sooq ikuallassimanersoq suli ilisimanngilarput, Nuuk politi nalunaarpoq.
O.S Electronicip pisortaa Ib Lagersted Sermitsiaq.AG-mut tallimanngormat oqarpoq qanoq ikuallanneq aallartissimanersoq ilisimanagu.
- Imaassinnaasoq illup iluani arsakoorfik aallartitsisimasinnaassasoq. Taamaattorli sulisugut nalunaaqutaq 13.00-imili pujortarsimanngillat, Ib Lagersted tallimanngormat oqarpoq.
Politiit nalunaaqutaq 00.55 ikuallattoqarneranik nalunaarfigineqarput, nalunaaqutaq 02.15 qaminneqarluni.
Ib Lagersted KNR.gl-imut nalunaarutigereerpaa illu illup iluaniittullu atortorineqartut ikuallattoqarnissaanut sillimmaserneqarsimasut.
O.S. Electronic Aalisartut Aqqutaat 3 adresseqarput, Sømandshjemmep ungasinngisaaniilluni.