ajunaarnersuaq
Nuugaatsiamit assit siulliit takukkit
Issittumi Sakkutooqarfiup nunaqarfimmit arfininngormat unnukkut sakkortuumik eqqugaasumit assit siulliit saqqummiuppaat.
Marlunngornerup unnuaani angutit arfinillit umiarsuarmit alapernaarsuummit 'Vædderen'-imit, arfininngormat qarsutsiffiusumut Nuugaatsiamut ikaarput.
- Angutit taakku arfinillit ilaatigut qimmit nunaqarfimmiittut nerukkarlugillu Tele Greenlandip ajornartoornermi sarfaliuutaa aallarteqqinnissaa isumagaat, taamaalilluni sumiiffimmi mobilit attaveqaqqilerniassammata, tamannalu annaassiniarnermi attaveqaqatigiinnermut oqinnerulersitsissaq, Issittumi Sakkutooqarfik Facebookimi quppernermini allappoq.
Tamatuma saniatigut nunami aamma imaani qanittumi inuit sisamat maqaasineqartut ujarpaat.
- Sikoqarpallaarnerali aamma kangerliumanermi ersernerluleriartornera ujaasinermik ajornakusoortitsivoq. Tamatumalu kingunerisaanik Vædderenip inunnik sisamanik maqaasineqartunik maannakkut ujaasineranik unitsitsigallartariaqarsimavoq, Issittumi Sakkutooqarfik nalunaaruteqarpoq.
Issittumi Sakkutooqarfimmit Nuugaatsiami assilisat uani takukkit: