Nutaamik avammut niuerfeqalerneq

Savalimmiut russit niuerferujussuannut 2016-imi 2 milliardit koruuninik avammut tunisaqarput. Rusland nunanut EU-mut ilaasortaanngitsunut soqutigineqartupilussuanngornikuuvoq. Ruslandip nioqqutissat nunanit EU-meersut Ukrainimi sakkuaalluni aaqqiagiinnginneq pissutigalugu pisiariumajunnaarnikuuai.

Aamma atuaruk: Savalimmiut suleqatigiikkumajunnaarneq iluanaarutigaat

Savalimmiuniinnaq Ruslandimut avammut tunisineq siorna aalisakkanik niuernerup sisamararterutigigaa.

Nunatsinni Naatsorsueqqissaartarfiup nunanut allanut niuernermut tunngasuni kisitsisaataani, 2016-ip kvartaliini siullernut tunngasut takutippaat, Kalaallit Nunaanni arlaat Ruslandimut niuernermik iluatsitsimasoq.

Nierfimmik nutaamik periarfissarsineq
2014-imi aamma 2015-imi raajanik Ruslandimut niuertoqanngilaq. Kisianni siorna tamanna allanngorpoq, ukiup qaammataani qulingiluani siullerni avammut tunisinerup

Kalaallit Ruslandimut niuernerat naatsorsuutini annerusuni suli annikippoq, tassani piffissami avammut tunisinerup katinnera 2,786 milliardit koruuniupput. Kisianni Savalimmiunitut avammut niuerneq iluatsitsiffiussanersoq apeqqutaassaaq.

Kitaa Seafood niuerfimmut ilanngunniarpoq
Kitaa Seafoodip pisortaaneq Robert Møller, suliffeqarfik aalisakkanik niuernissamut russinut akuersissummik piniarluni misiliisimasoq ilisimatitsivoq.

- Tamanna suli iluatsinngilaq. Kisianni tamanna pissarsiariniarlugu sulissutiginiarparput. Aap, russit Kalaallit Nunaannut qaaqqunissaat kissaatigaarput, taamaalilluta niuerfiannut avammut tunisinissamut akuersissummik piniassagatta, Robert Møller ilisimatitsivoq. Russit ukiormanna akuersitinneqarnissaat pilersaarutaavoq.

Soqutiginninneq annertooq
Kitaa Seafoodimi pisortammi ilisimatitsissutigaa, russinit kalaallit aalisagaataannik pisinissamik kissaateqartunit nioqqutissanik eqqussuisunit amerlasuunit saaffigineqarsimallutik.

Sermitsiaq.AG-p kina Kalaallit Nunaanni 11,5 millionit koruunit nalinginut Ruslandimut tunisaqarsimasoq paasissallugu iluatsinngilaa.