nussuineq
Nussuineq 500 millionit koruuninik akeqassaaq
Pisortani suliffiit 600-t Nuummiit nussorneqarpata 500 millionit koruuninik akeqassaaq. Tamanna kukkunersiuisarfiup BDO-p aningaasaqarnermut naalakkersuisoqarfik naatsorsuussimavaa.
Naatsorsuineq 2016-imi februaarimi naalakkersuisoqarfimmut saqqummiunneqarpoq, kisianni aatsaat KNR-ip allagaatinik takunnikkumalluni BDO-mit nalunaarusiaq pissarsiaraa.
75 procentii nuukkusunngitsut
Sulisut 75 procentiisa nuukkusunnginnissaa BDO-p nalilersimammagu nussuinermut akiligassap taama akisutiginissaanut pissutaavoq, tamannalu ukiup affaanut akissarsiat nalinginik ajunngitsorsiassaqartitsissammat.
Tamatuma saniatigut nuunneq aamma Qaauitsup Kommuniani, Qeqqata Kommuniani aammalu Kommune Kujallermi Naalakkersuisut isumaqatigiissuteqarfigisimasaanik inissanik pisariaqartinneqartunik pissarsinissaq akisuvoq, KNR allappoq.
Ukiunik sisamanik sivisussuseqassasoq
Nussuineq ukiunik sisamanik sivisussuseqassasoq BDO-p naatsorsuutigaa.