Angallanneq
Nunavummut aqqut ilaasukittartoq
Nunavummut inniminniisartut siornatigutut amerlatiginngillat
Annonse
Nuummut Iqalunnut timmisartuussinerit tallimanngormat aallartinneqarput. Inniminniisimasulli naatsorsuutigineqartumit ikinnerupput.
Air Greenlandimi Christian Keldsenip tamanna CBC Canadamut oqaluttuaraa.
- Inniminniinerit ukiut kingullernit ikinnerupput. Angallassisarnerit ingerlatiinnassavagut, naatsorsuutigineqartumiilli ilaasut ikinnerupput, Christian Keldsen oqarpoq.
Aatsitassarsiortut naatsorsuutigineqartumit ikinnerunerat tamanna pissuteqarsinnaasoq oqarpoq.
Aqqut sivikillineqareerpoq, septembarimi unittussaagaluaq aggustimi unittussanngortinneqareerpoq. Ataasinngornermi tallimanngornermilu siumut utimullu angallassisoqartarpoq.