Arctic Winter Games
Nunavimmiut kuultinnattut: AWG-p nalaani illaannavippugut
Nunamivimmiut naapinnissaminnut maanni Nunatsinnitut naapinnissaminnut unamminartortaqartitsipput, Dene Gamesimi sungiusaasoq oqaluttuarpoq
Sermitsiaq.AG-p Hand Gamesimi arnat unammineranni ajugaasut oqaloqatigaat, taanna indianerit pinnguaataannut Dene Gamesimut GU-mi Arctic Winter Gamesertoqarnerani ingerlanneqarpoq.
Canadamiut arnat sisamat kuultimik ujaminnareerlutik oqiliallaqqapput.
Ajugaaqqartut
- Unammiuaarneq pissanganartorujussuuvoq. Unammisanut ataatsinut naligiinnigut amerlanerat pissutaalluni, 15-inik ukiulik Sarah Angnatuk Kuujjuarmi illoqarfimmeersoq oqaluttuarpoq.
- Uagut holderput allallu holdiat naggataagut ajugaanissamut paarlaapput. Uagullu ajugaanniutivinnermi Alaskamut ajugaavugut.
Atuaruk: AWG 2016-imi ujaminnattaat amerlassusaat GIF-ip nalilerpaa
Sarahp saniani Hullik Kudluk, 14-inik ukioqartoq Kuujjuarmilu nunaannarmi illoqarfimmi aamma nunaqqataa nikorfavoq, taanna illoqarfik 2.500-t missaani inoqarpoq, Nunavimmilu annersaasoq taakku nassuiaapput.
Nunavimmut ujammit marluk
Holdeqataasa sinneri illoqarfinnit allanit marlunnit aggersuupput, tamannalu AWG-mut piareersarnermi unammillernartuuvoq.
- Illoqarfinni assigiinngitsuni najugaqarnerput pissutgigalugu Hand Games sungiusarnikuunngilarput, Madeline Yaaka 15-inik ukiulik oqaluttuarpoq, taanna Kangiqsujuarmi allallu inuillu allat 800-t najugaqarput.
Taamaakkaluartoq niviarsiaqqat AWG-mit marlunnik unammissutini Stick Pullimi aamma Hand Gamesimi ujaminnapput. Taakku marluk Dene Gamesimut atapput, cree-indianerit kuulturiannut Canadami aamma Amerika Avannarlermi ileqqutoqqatut pinnguaataapput.
Atuaruk: Kim Kielsen qilaammik isaatsivigineqarpoq
- Stick Pull aalisakkanik amerlasuunik pisaqarnissamut sungiusaanermut tunngasuuvoq. Hand Games pinnguaataavoq, assimmi unammisat sorlermi sukujunnik toqqorsisimanerannik eqqoriaatitsinermut tunngasoq, immikkoortortarlu ataaseq annerpaamik minutsinik 30-inik sivisussuseqarpoq.
Attaveqatigiinneq pingaartoq
- Stick Pull, Snow Snake, aamma niunut Pole Push sungiusarsinnaasimavarput.
Sungiusaasup tulluusimaartup Nuummi AWG-mut qanoq piareersarsimanerlutik nassuiaavoq.
- Unammisartut ilaasa allanut sungiusareeraangamik sunik ilikkagaqarsimanerlutik oqaluttuarsinnaanissaa isumagisaqarsimavara.
Unammiuaarnermi illartut
- Tulluusimaarutigisorujussuuakka, nuannisartorujussuuvugut illartaqalutalu, niviarsiaqqat ilagiinnavinnerat taamatut nuannersorujussuuvoq.
Arctic Winter Games pillugu allaaserisat tamaasa uani atuakkit