Nunattasiunissaa pillugu inuusuttup takorluugai

Kalaallit Nunaata siunissaa pillugu inuusuttut qanoq takorluugaqarnerlutik eqqartuisut Sermitsiaq.AG-mit allaaserineqareerpoq. Oqallinneq Kalaallit Illuutaanni Københavnimi ingerlanneqarpoq.

Sermtsiaq.AG-mi bloggertartoq Hans Peder Kirkegaard nunatta siunissaa pillugu bloggerpoq. Ilaatigullu isummersornermini ima allappoq.

'Nunatsinni aallarama inuiaqatigiit nanertisimaneqarput. Politikkerit aatsitassarsiorfiit aningaasarsiulernissaat utaqqivaat, tamanna inuiaqatigiinnut sunniuppoq. Kikkut tamarmik maannakkut utaqqipput. Inuiaqatigiiuvugut utaqqiuaannarnikut. ’pisortatingoortumik iliuuseqartoqarnissaa’ utaqqiinnarneqarpoq. Ilinniagaqarnersiutit qaffanneqarnissaat utaqqineqarpoq. Pisassiissutit qaffanneqarnissaat utaqqineqarpoq aatsitassarsiornissallu aallartinnissaat aamma utaqqineqarluni.

Utaqqiinnarusukkunnaarnikuuvunga. Utaqqisariaqanngilagummi. Nammineq iliuuseqarsinnaavugut.

Aallartiffeqartariaqarpugut. Tassa uagut nammineq. Kinguaariinnut tulliuttunut takutittariaqarparput uagut nammineerluta pisinnaalluta, inuunerpullu nammineerluta akisussaaffigigipput takutittariaqarparput.

Nunatsinni aalajangiunneqarsimasut tamaasa inuppalaartuunngillat. Ajornartorsiutit amerliartornikuupput, aningaasassaaleqisoqalerlunilu. Assigiinngitsunik eqimattanngornikuupput inuit.

Aalisartut, ilinniarsimasut, ilinniarsimanngitsut, suliffeqanngitsut, ilinniagaqartut, imerajuttut inuuniarnermikkullu ajornartorsiuteqartut.

Ataasiinnannguarluunniit inuunngilaq, eqimattaniipput inuit tamarmik.

Inuit namminneerlutik inoorusulertussaapput, piumassuseqalertussaallutillu. Ajornartorsiutitik nammineq ajornartorsiutigalugit paasisariaqarpaat. Ajornartorsiutitik aaqqinneqarnissaat utaqqiinnarsinnaanngilaat. Aaqqiinissamummi aqquteqarpoq, nammineq aaqqinneqarsinnaapput. Ajornartorsiutit nammineerluni iluarsaakkaanni aaqqinneqarsinnaapput. Immaqaluunniit allatut paasillugu.... Sapinngilagut, nammineersinnaavugut!, Hans Peder Kirkegaard oqarpoq.

Hans Peder Kirkegaardip bloggia tamaat siunissamut tunngasoq takuuk (Qallunaatuinnaq allaqqavoq)